'Olic 93 - 阿美語聖經-新約附詩篇箴言

O Hongti ko Kawas

¹ O mikowanay ko Tapang, kalariko' han Ningra ko kasnengan, kalasatlec han no Tapang ko 'icel. Saka, tanektek ko sra a tomireng, caay ka ngiyangi.

² Tapangaw, nai ti:yaho a tomireng ko pikowan Iso, nai ti:yaho a irato: Kiso.

³ Tapangaw, harengheng ko talolongay a 'alo, mistol ko cdas a miltoh.

⁴ I satakaraway a kakarayan ko Tapang a mikowan, mapa^kel Ningra ko harenghengay a cdas, malowid Ningra ko malodisay a riyar.

⁵ Tapangaw, o mida'ocay ko rikec Iso, o fangcalay ko loma' Iso a tahada'oc.