'Olic 91 - 阿美語聖經-新約附詩篇箴言

O Midipotay i Titaanan a Kawas

¹ O pasayraay Isatakaraway a Ci'icelay a Kawas a mikilim to karihadayan, o tayraay a maro' a miki'ading a tamdaw i,

² Manga'ay a pasayra i Tapang a somowal, <> han.

³ Nawhani o papa'oripen Ningra a paliyas kiso nai nisimedan no tao a talakal ato mipatayay a lifong a adada.

⁴ O tatahpoen Ningra kiso to sapikpik a midipot, o rarihaday kiso i laloma' no pidipot Ningra, o nika so'lin Ningra ko sapidipot Ningra a matiya o sapatada a pa'ading i tisowanan.

⁵ O to'man i, caayto ko mamatalaw kiso to katalawan, o romi'ad i, caayto ko mamatalaw kiso to mikari'angay.

⁶ Caayto ko mamatalaw kiso to salafii sanay a lifong, caayto ko mamatalaw kiso to saromi'ad sanay a latiih.

⁷ Ano mapatapatay i kawili iso ko ccay a patek a tamdaw, ano mahofayafayar a mapatay i kawanan iso ko ccay a 'ofad a tamdaw i, caay ko mamarapot no latiih kiso.

⁸ O mama'araw iso ko nika tfoc no tatiihay a tamdaw.

⁹ Nawhani o piki'adingan iso ko Tapang, o kamaro'an iso Cingra o Isatakaraway a Tapang.

¹⁰ Caay ko mamiri'ang ko latiih i tisowanan, caay ko mamiraod ko pades to loma' iso.

¹¹ O a ocoren no Kawas ko coyoh a papinengneng i tisowanan, ano tayra i cowacowa kiso i, dipoten Ningra kiso.

¹² O cacadaen nangra to kamay Kiso to saka^caaw ka pasta' no wa'ay Iso i fokloh a cidoka'.

¹³ O mamiripa' kiso to layon ato 'oner, o raripa'en iso a miporaric ko mari'angay a layon ato cisawarakay a 'oner.

¹⁴ Sowal sa ko Kawas, <

¹⁵ Ano milongoc cangra i Takowanan i, paca'ofen Ako, ano mapades cangra i, o mamikapot Kako i cangraan a mapades. O papa'oripen Ako cangra, ta tadamaan cangra.

¹⁶ O papalmeden Ako a misakakaya' ko 'orip nangra, o papa'oripen Ako cangra,>> saan.