'Olic 89 - 阿美語聖經-新約附詩篇箴言

O 'Olic a Romadiw Yo Mapades ko Kitakit

O nitilidan ni Itan o Icra a tamdaw a 'olic, o sapasifana' o 'olic.

¹ Tapangaw, o raromadiw kako pahmek a tahada'oc to sini'ada Iso, o papararid kako a palosiyang to nika so'lin Iso.

² Mafana' kako, o mida'ocay ko sini'ada Iso, matiya o nika tanektek no kakarayan a tahada'oc ko nika so'lin Iso.

³ O sowal Iso i, <

⁴ palahongtien Ako ko tlotloc iso a tahada'oc, patanekteken Ako ko kalahongti iso tangasa i kasarayray no tloc iso han Ako,>> saan Kiso.

⁵ Tapangaw, romadiw a pahmek ko tahaf no kakarayan to kafahka'an a dmak Iso, pahmek ko coyocoyoh a romadiw i kakarayan to nika so'lin Iso.

⁶ Tapangaw, awaay i kakarayan ko mikikakaay i Tisowanan, awaay ko roma a kawakawas to milcaday i Tisowanan.

⁷ O satadamaanay a tata'ongen a Kawas Kiso i sa'opo no kawakawas, o kangodoan no i taliyokay Iso a coyocoyoh Kiso.

⁸ Tapangaw, O mikomoday a Kawas, awaay ko milcaday Tisowanan a ci'icel, Tapangaw, o so'linay ko dmak Iso a ma^min.

⁹ Makowan Iso ko riyar, mapatrep Iso ko lodis.

¹⁰ Pelpelen Iso ko fongoh no kangic no riyar ci Rahap a mipatay, pakaynien Iso i tadamaanay a 'icel Iso ko sapilowid to 'ada Iso.

¹¹ O no Miso ko kakarayan, o no Miso haca ko sra, o nisanga'an Iso ko hkal ato i laloma'ay nira a maamaan.

¹² O nisanga'an Iso konini a ma^min nai paka'amis tangasa i pakatimol, pasayra i Tisowanan a milkal a romadiw ko Tapor a lotok ato Hirmon a taporo.

¹³ Tadaci'icelay ko patlaw Iso, tadamaanay ko 'icel Iso.

¹⁴ O mo^celay ato marayasay a dmak ko paranaan no kitakit Iso, o polong no dmak Iso i, o so'linay ato sini'adaay a ma^min.

¹⁵ Tadamalmeday ko pa'olicay a romadiw a mita'ong i Tisowanan a tamdaw. Tapangaw, o mapatdiay no sini'ada Iso ko 'orip nangra.

¹⁶ O nano Miso ko sakasaromi'ad sa cangra a lipahak, mipahmek cangra a romadiw to nika mo^cel Iso.

¹⁷ O tadamaanay a 'icel Iso ko sakapakalowid niyam, o nano mikomi Iso ko saka milkal kami a romadiw to sapakalowid a radiw.

¹⁸ Nawhani, Kiso, o Tapang niyam, o midipotay i tamiyanan. Kiso, o hongti niyam, o Fangcalay a Kawas no Israil.

O Niktonan no Kawas a Sowal ci Tafitian

¹⁹ I ti:yaho pakaynien Iso i mapolosi ko pipasowal to so'linay a mitooray Tisowanan a finawlan. Sowal sa Kiso, <

²⁰ O nipili'an Ako ci Tafiti o matayalay Ako, o nipatirengan Ako a pasimal cingra a palahongti namo.

²¹ O papaflien Ako cingra to 'icel, o 'icel Ako ko sakaki^mel ningra.

²² Caay ko papakalowid i cingraan ko 'ada ningra, caay ko mamafilo no tatiihay a tamdaw a milowid cingra.

²³ O paporaricen Ako ko misa'adaay i cingraan, o papatayen Ako ko mi'intelay i cingraan.

²⁴ Pakaynien Ako i so'linay ato sini'ada ko pikapot Ako i cingraan, ta parariden Ako cingra a pakalowid.

²⁵ O cacowaten Ako ko kitakit ningra nai Tnokay a riyar tangasa i Iofratis a 'alo.

²⁶ Wa sowal sa cingra i Takowanan, saan.

²⁷ O papatirengen Ako cingra a palafisac a wawa, o mamalasatadamaanay a hongti cingra i tini i hkal.

²⁸ O a 'imeren Ako a mido^do ko caay ka falic a olah Ako i cingraan, caay ko papalasawaden Ako a tahada'oc ko katatlekan niyam.

²⁹ O mamida'oc ko tlotloc ningra a mikowan, matiya o kakarayan a mida'oc ko pikowan ningra.

³⁰ <

³¹ ano miliyas cangra to sifana' Ako, ano caay ka 'imer to limo'ot Ako i,

³² o tatfocen Ako cangra to nano raraw nangra, o sasti'en Ako cangra to nano patlac nangra.

³³ Nikawrira, o mamararid Kako a sini'ada ci Tafitian, o mamida'oc ko nika so'lin Ako i cingraan.

³⁴ Caay ko papalasawaden Ako ko katatlekan niyam, caay ko lalodoten Ako ko niktonan Ako a sowal i cingraan.

³⁵ <

³⁶ Caay ko cacitolas ko tloc ningra a mararid, o dadipoten Ako ko kitakit ningra a matiya o pipatdi no cidal a tahada'oc.

³⁷ O mamida'oc ko pikowan ningra a matiya o nika likat no folad, o mamipawacay koya so'linay i kakarayan,>> saan.

O Rarom to Nika Tfad no Hongti

³⁸ Nikawrira, makter Kiso to nipili'an Iso a patireng a hongti, mana'ay Kiso cingraan, falahen Iso cingra.

³⁹ Palasawaden Iso koya nika tatlekan Iso ato matayalay Iso, fahkolen Iso i sra ko no hongti a tamohong ningra.

⁴⁰ Plengen Iso ko 'adipel no niyaro' ningra, palasawaden Iso ko pisitaraan ningra.

⁴¹ O pakayraay a romakat a tamdaw a ma^min i, mitakaw a miala to kalomaamaan ningra. Lokesen no i taliyokay a kitakit cingra.

⁴² Papilowiden Iso ko 'ada ningra i cingraan, palipahaken Iso ko 'ada ningra a ma^min.

⁴³ Palasawaden Iso ko ^poc no sapilood ningra a lalosidan, saka, malowid cingra i kalaloodan.

⁴⁴ Palasawaden Iso ko 'icel no pikowan ningra, tfaden Iso ko nika tomireng ningra a malahongti.

⁴⁵ Caho ko kato'asan ningra i, sanarikay han Iso cingra a militeng, papihakecen Iso cingra a pakangodo.

O Pilongoc to Pipa'orip no Kawas

⁴⁶ Tapangaw, tahacowa ko nika ^ca pikihar Iso i tamiyanan saw? Tahada'oc haw? Tahacowa ko nika rafraf no kter Iso saw?

⁴⁷ Nanay haratengenho Iso ko nika kamoko' no 'orip ako. Nanay haratengenho Iso ko nika o mamapohed a ma^min ko nisanga'an Iso a tamdaw.

⁴⁸ Cima ko mama^deng a misakakaya' to 'orip a caay ka patay saw? Cima ko mama^deng a miliyas to sakowan no tadem saw?

⁴⁹ Tapangaw, i cowaayto ko wacay noya sini'ada Iso i 'ayaw saw? I cowaayto koya nika so'lin Iso ci Tafitian saw?

⁵⁰ Tapangaw, nanay haratengenho Iso ko nika mapakangodo ko matayalay Iso, nanay haratengenho Iso ko nipihadidi ako to pisamsam no roma a finacadan.

⁵¹ Tapangaw, milikaf ko 'ada Iso to nipatirengan Iso a hongti, ano talacowacowa cingra i, likafen nangra cingra.

⁵² Nanay mida'oc a mapahmek ko Tapang! Amin! Amin!