'Olic 83 - 阿美語聖經-新約附詩篇箴言

O Pitolon to Sakalowid no 'Ada no Israil

O 'olic ni Asaf, o ccay no radiw.

¹ Kawasaw, nanay caay pisapater Kiso, Kawasaw, nanay caay ka tomrep Kiso.

² Nengnengen, miparawraw ko 'ada Iso, mipacoli ko mi'intelay i Tisowanan.

³ Misa'imer cangra a misa'ada to finawlan Iso, sapikari'angan cangra to nidipotan Iso a tamdaw.

⁴ Sowal sa cangra, <> saan.

⁵ Malaccay ko faloco' nangra a matatlek to sapacoliaw i Tisowanan.

⁶ O kasakapot nangra i, ira ko Itom ato Ismail ato Moap ato Hakar a tamdaw.

⁷ Ira ko Kipal ato Amon ato Amalik ato Filistin ato Tiri a tamdaw.

⁸ Halo Asiriya a tamdaw a malakomod i cangraan, malakapot cangra to tloc ni Loto.

⁹ Nanay paco'ayen Iso cangra a matiya o pico'ay Iso to Mitiyan a tamdaw, samatiyaen o pico'ay Iso ci Sisiraan aci Yapinan i tatihi no Kison a 'alo.

¹⁰ Tkopen Iso cangra i Intor, mapohed ko horac a tireng nangra i palapalaan.

¹¹ Nanay paco'ayen Iso ko kakrikridan nangra a matiya o pico'ay Iso ci Oripan aci Ciipan, palasawaden ko mikowanay nangra a matiya o palasawad Iso ci Cipahan aci Calmunaan.

¹² Nawhani sowal sa cangra, <> saan.

¹³ Kawasaw ako, mamana paliwasaken Iso cangra a matiya o nifiyokan no fali a paliwasak a alafoh ato afih cangra.

¹⁴ Ano masamaanay ko pitodoh no namal to kilakilangan, ano masamaanay ko pidapdap no namal a mitodoh to lotolotok i,

¹⁵ mamana haenen Iso ko nipilaplap i cangraan, mamana haenen Iso o faliyos ato 'orad ko pipatalaw i cangraan.

¹⁶ Tapangaw, mamana pakangodoen Iso cangra, ta mafana'to cangra to nika tadamaan Iso.

¹⁷ Mamana tahada'oc a matfad cangra a marawraw, mamana o nika ngodo nangra ko sakapatay nangra.

¹⁸ Nanay mafana' cangra to ngangan Iso o Tapang, dengan Kiso o Isatakaraway ko mikowanay to polong no hkal.