'Olic 81 - 阿美語聖經-新約附詩篇箴言

O Sapisalisin a Radiw

O nitilidan ni Asaf a 'olic. Mapatorod i kakridan no paradiway.

¹ Pipasayra i midipotay i titaanan a Kawas a milkal, pahmeken a romadiw ko Kawas ni Yakop.

² Karomadiw, pitampolin, pasonien ko datok a midatok to makapahay a radiw.

³ Misalisin kita a mahmek i sa'ayaway a romi'ad no fa^lohay a folad ato 'arawraw no folad, pila^pa to wa'a no siri a mahmek a misalisin.

⁴ Onini i, o nipalimo'otan no Kawas ni Yakop to malolkakawa no Israil.

⁵ Yo malowidto Ningra ko Icip i, itiya Cingra a pafli i tloc ni Yosif tonini a limo'ot. Matngil ako ko kafahalan a ngiha' a somowal,

⁶ <<^Poden Ako ko kartengay a 'inorong iso, papitlien Ako kiso to matomesay to lingka a cinaw.

⁷ Yo mapades kiso i, mitahidang kiso a milongoc i Takowanan, saka, pa'oripen Ako kiso. Nai laloma' no faliyos Kako a paca'of i tisowanan, itira Kako i tatihi no Miripa a nemnem a milifet i tisowanan.

⁸ Kamo o finawlan Ako, pitngil to limo'ot Ako, Israilaw, mangalay Kako to pihaklong iso i Takowanan.

⁹ Aka pitoor kiso to kawas no roma a finacadan, aka pita'ong kiso to roma a kawas.

¹⁰ O Tapang Kako, o Kawas iso, o nikridan Ako kiso a pasadak nai Icip. Ngatowa'en ko ngoyos iso, ta pafcolen Ako kiso.

¹¹ <

¹² Orasaka, pakonira hanto Ako ko nika 'atkak no faloco' nangra, pararid sato cangra a mido^do to maapaay a pinangan nangra.

¹³ Tadamangalay Kako to pitngil no finawlan Ako to sowal Ako, tadamangalay Kako to pihaklong nangra i Takowanan.

¹⁴ O kakalamkam Kako a milowid to 'ada nangra, o lalowiden Ako ko misa'adaay i cangraan a ma^min.

¹⁵ O mi'intelay i Takowanan o Tapang a tamdaw i, o mamipitosorto i ka'ayaw Ako, o mamatfoc cangra a tahada'oc.

¹⁶ Nikawrira, o papakaenen Ako kamo to sanga'ayay a ^mi, o mamarnec kamo to ko^san no waneng no 'odal no pala,>> saan.