'Olic 8 - 阿美語聖經-新約附詩篇箴言

O nika Katadamaan no Kawas ato Pingodo to Tamdaw

O 'olic ni Tafiti. Mapatorod i kakridan no paradiway, o sapisotasot a lalosidan ko sapacafay a pasoni.

¹ Tapangaw, o Tapang niyam, mapatalahkal i polong no hkal ko nika tadamaan no ngangan Iso. Tangasato i fafaed no kakarayan ko pahmekay a ngiha' i Tisowanan,

² halokahngangayho a wawa ato ka^mangay a malaccay a pahmek a romadiw. Patirengen Iso ko tanektekay a pisitaraan a mitaker to 'ada, takeren Iso ko pilood no 'ada i Tisowanan.

³ Minengneng kako to nisanga'an Iso a kakarayan ato nitlian Iso a folad ato fo'is i,

⁴ aya: o maan ko tamdaw, iro haratengen Iso cingra? O maan ko mamapohed a tamdaw, iro dipoten Iso cingra?

⁵ 'Arawhani, i safaay no Kawas to miming ko pisanga' Iso cingraan. Mapafli Iso cingra to ma'dilay ato tadamaanay to malotamohong ningra.

⁶ Papikowanen Iso cingra to nisanga'an Iso a ma^min, tlien Iso i la^no no saripa' ningra ko kalomaamaan,

⁷ halokolong ato siri ato manafoyay i palapalaan a 'a'adopen

⁸ ato ma^feray a 'ayam ato foting ato ma'oripay i riyar a ma^min a makowan ningra.

⁹ Tapangaw, o Tapang niyam, mapatalahkal i polong no hkal ko nika tadamaan no ngangan Iso.