'Olic 77 - 阿美語聖經-新約附詩篇箴言

O Sahinom yo Mapades

O 'olic ni Asaf. Mapatorod i kakridan no paradiway ci Yitutun.

¹ Pasayra kako i Kawas a miwaho a milongoc, lkal sa kako a pangiha', nanay mitngil Cingra i takowanan.

² Yo mapades kako i, mitolon kako to Tapang, salafii sa kako a pakamay a mitolon i, caay ka hinom ko faloco' ako.

³ Yo miharateng kako to Kawas i, cdaah sa kako, misaharaterateng kako i, matoled ko faloco' ako.

⁴ Kiso ko saka^ca ka ala no fafoti'en ako, rawraw sa kako, caayto ka nga'ay a caciyaw kako.

⁵ Miharateng kako to mata'lifayto a romi'ad, miharateng haca kako to mata'lifayto a mihcaan.

⁶ Salafii sa kako a miharateng, sangaliwngiw sa kako a milicay to tireng ako,

⁷ <

⁸ Caayto piliyaw a maolah Cingra i tamiyanan haw? Malasawadto ko niktonan Ningra a sowal a ma^min haw?

⁹ Awaayto ko adayay no Kawas haw? Malakterto ko adayay Ningra haw?

¹⁰ O kararoman ako i, mafalicto ko 'icel no Isatakaraway a Kawas,>> sa kako.

¹¹ Tapangaw, maharateng ako ko tadamaanay a dmak Iso, maharateng ako ko kafahka'an a dmak Iso i ti:yaho.

¹² Maharateng ako ko nidmakan Iso a ma^min, maharateng ako ko kahaccaccay a nidmakan Iso a ma^min.

¹³ Kawasaw, fangcalay a ma^min ko nidmakan Iso, awaay ko romaroma a kawas to sapasasotiri' i Tisowanan.

¹⁴ O midmakay Kiso to kafahka'an a dmak a Kawas, patiri'en Iso i kasakitakit ko tadamaanay a 'icel Iso.

¹⁵ Pakaynien Iso i 'icel Iso ko sapa'orip to finawlan Iso, pa'oripen Iso ko tloc ni Yakop aci Yosif.

¹⁶ Kawasaw, paka'araw ko nanom i Tisowanan i, matalaw a ma^min canira, halotalolongay a riyar a mamirmir a minengneng i Tisowanan.

¹⁷ Tfaden no to'em ko 'orad, pasadaken no kakarayan ko kakleng, mildef to kakarayan ko kalapiyat.

¹⁸ Sakalongkong sa ko kakleng Iso, mapatdi no kalapiyat ko polong no hkal, mackok a mangernger ko sra.

¹⁹ Rakaten Iso ko riyar, hawang han Iso ko talolongay a riyar, nikawrira, awaay a ma'araw ko nasaripa'an Iso.

²⁰ Pakaynien Iso ci Mosian aci Aronan ko nipikrid to finawlan Iso a matiya o pakaenay to siri.