'Olic 75 - 阿美語聖經-新約附詩篇箴言

O Misawkitay ko Tapang a Kawas

O 'olic ni Asaf, o ccay no radiw. Mapatorod i kakridan no paradiway. O no <> a hacong ko saparadiw.

¹ Kawasaw, mikansiya kami i Tisowanan, mikansiya kami i Tisowanan. Mipalosiyang kami to nika tadamaan Iso, mipasowal kami to kafahka'an a dmak Iso.

² Sowal sa ko Kawas, <

³ Ano mangiyangiyangi ko sra ato maro'ay itira a finawlan i, patanekteken Ako ko paranaan nira.

⁴ Aka pasneng han Ako ko misatakaraway a tamdaw, aka ka lata'ang han Ako ko tatiihay a tamdaw.

⁵ Aka pisapasnesneng, aka pisalata'ata'ang kamo han Ako cangra,>> saan.

⁶ Caay ko naniwaliay, caay ko nani^tipay, caay ko nani'amisay, caay ko nanitimolay a tayni ko misawkitay,

⁷ deng o Kawas ko pakasawkitay, sreren Ningra kona tamdaw, pacakaten Ningra kora tamdaw.

⁸ Mitatoy ko Tapang to takid, matomes to kter Ningra a ci'icelay a ^pah konini a takid. Taktaken Ningra konini a ^pah i, tayra a komaen ko tatiihay a tamdaw a ma^min, tangasa i ka^minan no saikoray a tra' noya ^pah.

⁹ Nikawrira, o mamida'oc kako a palosiyang to Kawas ni Yakop, caay ko mamitolas kako a pahmek a romadiw i Cingraan.

¹⁰ O papalasawaden Ningra ko 'icel no tatiihay a tamdaw, Nikawrira, o tatongalen Ningra ko 'icel no mo^celay a tamdaw.