'Olic 70 - 阿美語聖經-新約附詩篇箴言

O Pitolon a Milongoc to Pipadama

O 'olic ni Tafiti, sapiharateng to tayal no Tapang . Mapatorod i kakridan no paradiway.

¹ Kawasaw, nanay pa'oripen Iso kako! Tapangaw, nanay kalamkamen Iso a mipadama kako!

² Mamana parawrawen Iso a mitfad koya sapipatayananay i takowanan, mamana pakasefaden Iso ko faloco' a pakangodo koya maolahay to nika pades ako a tamdaw.

³ Mamana mackok a pkaw sa koya milokesay matawaay i takowanan a tamdaw.

⁴ Nanay malipahak ko tayniay i ka'ayaw Iso a tamdaw a ma^min. Nanay mararid a pasowal ko maolahay to pipa'orip Iso a tamdaw toya, <> saan.

⁵ Kawasaw, o rarimaay kako. Nanay kalamkamen Iso a tayni i takowanan. O padamaay, o pa'oripay Kiso i takowanan. Tapangaw, nanay narikay Kiso a padama i takowanan!