'Olic 68 - 阿美語聖經-新約附詩篇箴言

O Sakapakalowid a Radiw

O ccay a radiw, o 'olic ni Tafiti. Mapatorod i kakridan no paradiway.

¹ Nanay lomowad ko Kawas a mipaliwasak to 'ada Ningra, ta milaliw i Cingraan koya mi'intelay Cingraan a tamdaw a ma^min.

² Matiya o nika liwasak no 'acfel ko pipaliwasak Ningra i cangraan, matiya o kalaso'or no losok ko pipalasawad no Kawas to tatiihay a tamdaw.

³ Nikawrira, o lalipahak ko mo^celay a tamdaw a pahmek a romadiw i ka'ayaw no Kawas.

⁴ Pipasayra i Kawas a romadiw, pahmeken a romadiw ko ngangan Ningra, patalaen ko lalan noya tatayni a pakato'em. O Tapang ko ngangan Ningra, o lalipahak kamo i ka'ayaw Ningra.

⁵ Itira i Fangcalay Pita'ongan ko aro' no Kawas, malamama no pakoyoc ato pa'adingay to maponengay Cingra.

⁶ O awaay ko palawinaan a tamdaw i, paflien Ningra to loma' cingra, tdalen Ningra ko marofoay a tamdaw a pakonira, nikawrira, o pacoliay a tamdaw i, pakamaro'en Ningra i kohkohan.

⁷ Kawasaw, yo mikrid Kiso to finawlan Iso a pakayra i kohkohan a romakat i,

⁸ mangernger ko sra, mafodo' ko kakarayan, nawhani masadak ko Kawas no Sinay a lotok, tayni a ma^pod ko Kawas no Israil.

⁹ Kawasaw, tfaden Iso ko tata'angay a 'orad, sngeren Iso ko makdalay a sra.

¹⁰ Sarihaday sa ko aro' no finawlan Iso itira, o sini'ada Iso ko sapidipot Iso to pakosiya a tamdaw.

¹¹ Palimo'ot ko Tapang, saka, safrengan sa ko fafahiyan a patnak a paratoh,

¹² <> saan. Saka, misakilac to ni'afasan a maamaan ko i loma'ay a fafahiyan.

¹³ Matiya o kohcalay a ^kim a topi a nengnengen ko nica'dongan nangra. Matiya o cisapikpikay cangra to matdiay a tadamaanay a tada^kim. (Nawiro i tini sa kamo i pasirian a caay ka tayra i piloodan saw? han nangra.)

¹⁴ Yo paliwasaken no Ci'icelay a Kawas ko hongtingti i, tfaden Ningra ko adihayay a so^da i Calmon a tokos.

¹⁵ Wata: ko nika tadamaan no Pasan a tokos, adihay ko kasa'apocopocok iso.

¹⁶ Nawiro mikcor kiso nai itira i takaraway a 'apocok a mi^pec to nipili'an no Kawas a malokamaro'an Ningra a Cion a lotok saw? O mamida'oc ko Tapang a maro' tonini a lotok.

¹⁷ Kriden no Kawas ko pinapina a 'ofad a sapilood a paliding nai Sinay a tokos a micomod i Fangcalay Kaitiraan.

¹⁸ Macakat Cingra i takaraway a kakarayan, kriden Ningra ko 'alomanay a mirpetan i piloodan. Layapen Ningra ko sapacakat no pacoliay a tamdaw. O a itira a maro' ko Tapang a Kawas.

¹⁹ O papahmeken ko Tapang, nawhani o mi'orongay Cingra to kartengay a 'inorong ita to romi'ami'ad, o pa'oripay titaanan a Kawas Cingra.

²⁰ O pa'oripay a Kawas ko Kawas ita, o Tapang Cingra, o pa'oripay titaanan a paliyas nai patay a Tapang Cingra.

²¹ O papelpelen no Kawas ko fongoh no 'ada, o fafonalen Ningra ko tangal no paci^ci sanay a ciraraw a tamdaw.

²² O sowal no Tapang i, <

²³ Ta manga'ay kamo a pakayra i manawnaway a rmes nangra a romakat, o tatayra ko waco namo a minacnac to rmes nangra,>> saan.

²⁴ Kawasaw, ma'araw no 'alomanay ko kasarayaray no mihaklongay i Tisowanan, ma'araw nangra ko picomod Iso o Kawas o hongti ako i Fangcalay Kaitiraan.

²⁵ I sa'ayaw ko romadiway, i aikor ko midatokay, i sifo' ko mitampolinay a kaying.

²⁶ <> saan.

²⁷ O sasafaay a Pinyamin a ngasaw ko sa'ayaway a romakat, do^do sa i, o kakrikridan no Yuta a ngasaw ato mihaklongay i cangraan, do^do sa i, o kakrikridan no Cipulun ato Naftali a ngasaw.

²⁸ Kawasaw, nanay patalahkalenho koya tadamaanay a 'icel Iso, patalahkalenho koya nano sapa'orip Iso i tamiyanan a 'icel.

²⁹ Nanay pasadaken nai Fangcalay Pita'ongan Iso i Yirusalim, oya pipaflian no hongtingti a pacakat i Tisowanan, nanay patalahkalenho Iso koya tadamaanay a 'icel Iso.

³⁰ Nanay kakteren Iso ko Icip, oya i laloma'ay no 'ardo a 'a'adopen, kakteren ko kasakitakit, oya masaflaway a okang a kolong ato tofor a kolong naira, tangasa i pipitosor nangra a mita'ong i Tisowanan a pacakat to ^kim ko nika kter i cangraan. Nanay laplapen Iso a paliwasak koya maolahay a milood a finacadan.

³¹ O aira a tayni ko tarokos no Icip, o papasayra i Kawas ko Kus a tamdaw a mipacakat to sapato'aya a dafong.

³² Kamo o kasakitakit i hkal, karomadiw a pahmek to Kawas, pipahmek kamo a romadiw to Tapang.

³³ Pipahmek a romadiw toya naniti:yaayho a pakakakarayanay a tayni a Tapang. Pitngil, milkal Cingra a pasadak to tadamaanay a ngiha' Ningra.

³⁴ Palosiyangen ko nika tadamaan no 'icel no Kawas, o mikowanay to Israil ko 'icel Ningra, mildef to kakarayan ko 'icel Ningra.

³⁵ Kawasaw, tada o kakangodoan Kiso i laloma' no Fangcalay a Kaitiraan. O pafliay to 'icel ko Kawas no Israil, o pafliay to sakowan a 'icel i finawlan Ningra. Pipahmek kamo to Kawas.