'Olic 67 - 阿美語聖經-新約附詩篇箴言

O Sapikansiya a Radiw

O ccay no 'olic to saparadiw. Mapatorod i kakridan no paradiway.

¹ Kawasaw, nanay kaadayayenho kami a mipalmed, nanay o sida'it Iso ko sapidipot i tamiyanan.

² Ta mafana' ko polong no hkal to nafaloco'an Iso, ta mafana' haca ko kasakitakit to sini'ada Iso a pa'orip.

³ Kawasaw, nanay mapahmek no tamdamdaw Kiso, nanay mapahmek no polong no kasafinacadan Kiso.

⁴ Nanay lipahak a milkal ko kasakitakit, nawhani o mo^celay ko pisawkit Iso to kasafinacadan ato nipikrid Iso to kasakitakit.

⁵ Kawasaw, nanay mapahmek no tamdamdaw Kiso, nanay mapahmek no polong no kasafinacadan Kiso.

⁶ Mapasadak no sra ko panay, o Kawas ita koya palmeday i titaanan a Kawas.

⁷ O mipalmeday ko Kawas i titaanan, nanay kangodoen no polong no tahaf no kakarayan a kasafinacadan Cingra.