'Olic 64 - 阿美語聖經-新約附詩篇箴言

O Pilongoc to Sadipot

O 'olic ni Tafiti. Mapatorod i kakridan no paradiway.

¹ Kawasaw, nanay tngilenho ko tangic ako, nanay pa'oripenho kako a paliyas nai miforiforay a 'ada.

² Nanay dipotenho Iso kako a paliyas nai pisa'adapaw no tatiihay a tamdaw, ta caay ka kari'ang kako.

³ Matiya o nicadiwan a fonos ko sowal nangra a citalem, matiya o pana' ko kasadak no cisawarakay a sowal nangra.

⁴ Misa'imer cangra a sapipana'an to awaay ko raraw a tamdaw, talifahal sa cangra a mipana', caay ka talatalaw cangra a mipana'.

⁵ Masasowasowal cangra a misahalaka to tatiihay, misahalaka cangra a midokdok a mitlay to satilo, <> saan cangra.

⁶ Sowal sa cangra a misahalaka, <> saan cangra. Wata: ko nika caay ko kafana'an ko faloco' no tamdaw.

⁷ Nikawrira, o papana'en no Kawas cangra, talifahal asa cangra a madoka'.

⁸ O sakatkop nangra ko sowal nangra, o minengnengay i cangraan a ma^min i, o mami'inga'ing to fongoh.

⁹ Itiya i, o mamatalaw a ma^min ko tamdamdaw, o papasowal cangra to tayal no Kawas, o mamiharateng a mafana' cangra to dmak Ningra.

¹⁰ O mamiti'er to Tapang ko mo^celay a tamdaw, o lalipahak cangra to pakayniay i Cingraan, o papahmek i Cingraan ko mo^celay a tamdaw a ma^min.