'Olic 60 - 阿美語聖經-新約附詩篇箴言

O Pingitangit a Mitolon to Pipa'ading no Kawas

O nito^to'an ni Tafiti a 'olic to sapasifana' to tamdaw, itiya yo malalood cingra i Misopotamiya ato Copah no Aram a 'ada, micoflis ci Yoap a tayra itira i Cilah hananay a tono' a milowid a mipatay to 12,000 a Itom a tamdaw. Mapatorod i kakridan no paradiway. O no <> a hacong ko saparadiw.

¹ Kawasaw, falahen Iso kami, lowiden Iso kami, o makteray Kiso i tamiyanan, nanay palowadenho kami i matini.

² O nao mingerngeran Iso ko sra a mipla', saka, maprarto ko sra, nanay palololenho Iso konini.

³ Kiso ko mipadesay to finawlan Iso to masamaamaanay a pades, Kiso ko sakapolin niyam a matiya o komaenay to ci'icelay a ^pah a malasang.

⁴ O nao patirengay Kiso to fayfay to piraodan no mangodoay i Tisowanan, ta caay ka pastek cangra i raraw.

⁵ Nanay paca'ofen Iso kami, ka o 'icel Iso ko sapipa'orip i tamiyanan, ta mapa'orip Iso ko kaolahan Iso a finawlan.

⁶ Nai itira i Fangcalay Kaitiraan no Kawas a pasowal Cingra, <

⁷ O Kiliyat i, o no Mako, o Manasi i, o no Makoto, o Ifraim i, o sa'ading a kafong Ako, o Yuta i, o sakowan a cokor Ako.

⁸ O Moap i, o kamonanawan Ako to wa'ay a talay, o mamitkol kako to cokap a pasayra i Itom. Pasayra Kako i Filistin a tamdaw a romadiw to sapakalowid a radiw,>> saan.

⁹ Cima ko mama^deng a mikrid i takowanan a pacomod i tanektekay a niyaro' saw? Cima ko mama^deng a mikrid i takowanan a patayra i Itom saw?

¹⁰ Kawasaw, so'lin a falahen Iso kami haw? Caayto pikapot Kiso to sofitay niyam a milood haw?

¹¹ Nanay padamaenho Iso kami a mico'ay to 'ada, nawhani awaay ko ^poc to pipadama no tamdaw.

¹² Ano mikapot ko Kawas i titaanan i, caay ka ^ca pakalowid kita, nawhani Cingra ko pakalowiday to 'ada ita.