'Olic 58 - 阿美語聖經-新約附詩篇箴言

O Pilongoc to Pitfoc no Kawas to Tatiihay a Tamdaw

O nito^to'an ni Tafiti a 'olic. Mapatorod i kakridan no paradiway. O no <> a hacong ko saparadiw.

¹ Kamo o mikowanay, so'linay a mo^cel ko pikowan namo haw? O malalenay ko pisawkit namo to finawlan haw?

² Caay! Deng o tatiihay ko maharatengay namo, paci^ci sa kamo a ciraraw a miforifor i hkal.

³ O tatiihay a tamdaw i, hofoc hanho i, morarawto to ko patosokan ningra, o misamangahay a tamdaw i, sadak saho i tiyad no ina i, miliyasto to mo^celay a lalan.

⁴ Matomes no tatiihay cangra, matiya o cisawarakay a 'oner, poeten nangra ko tangila, matiya o mado'engay a ka^fefay a 'oner,

⁵ caay pakatngil to pitipolo no mitimaay to 'oner, caay haca pakatngil to sowal no maangangay.

⁶ Kawasaw, mamana piteken Iso ko wadis nangra. Tapangaw, mamana ngito'en Iso ko packis nonini a toforho a layon.

⁷ Mamana matiya o mircepay a nanom no 'alo a ma'icang cangra, mamana matiya o masakasakay a rngos a maporaric cangra.

⁸ Mamana matiya o cori' a 'antol cangra, mamana matiya o mahalodotay a nihofocan cangra a caay paka'araw to cidal.

⁹ Talifahal sa cangra a matiya o 'odidal a maferfer a mapaliwasak no tata'angay a kter no Kawas.

¹⁰ O lalipahak ko mo^celay a tamdaw a minengneng to nika tfoc no ciraraway a tamdaw, o papakayra cangra i manawnaway a rmes no tatiihay a tamdaw a romakat.

¹¹ Ta sowal sa ko tamdaw, <> saan cangra.