'Olic 57 - 阿美語聖經-新約附詩篇箴言

O Pitolon a Milongoc to Pipadama

O nito^to'an ni Tafiti a 'olic, yo milaliw cingra ci Sawloan a milimek i dihidihifan. Mapatorod i kakridan no paradiway. O no <> a hacong ko saparadiw.

¹ Kawasaw, kaadayayen kako, nanay kaadayayenho kako, nawhani tayniay kako a miti'er i Tisowanan. I tini kako i laloma' no sapikpik Iso a milongoc to pidipot Iso, tangasa i kata'lifan no pades.

² Mingitangit kako i Isatakaraway a Kawas, milongoc kako i pafliay takowanan to kalomaamaan a Kawas.

³ O a ocoren Ningra nai kakarayan ko mamipadama i takowanan, o lalaplapen Ningra ko misamsamay i takowanan a tamdaw. O papahapinang ko Kawas i takowanan to caay ka falic a olah ato so'lin Ningra.

⁴ Malikot no 'ada kako, matiya o kakomaen to tamdaw a layon cangra. Matiya o 'idoc ato pana' ko wadis nangra, matiya o citalemay a fonos ko sma nangra.

⁵ Kawasaw, nanay mita'lif to kakarayan ko nika tadamaan Iso. Nanay maldef i polong no hkal ko 'dil Iso.

⁶ Mitlay to tilo ko 'ada to sapirpetaw i takowanan, mapa^kel no pades kako. Misarfong cangra a mitalakal i rarakaten ako, 'arawhani, cangra ko taharfongay.

⁷ Kawasaw, tanektekto ko faloco' ako, caayto ka ngyangi. O raromadiw kako a pahmek i Tisowanan.

⁸ Faloco'aw ako, kapalalto! Datokaw, kapalalto! Halocidal a palalen ako!

⁹ Tapangaw, i ka'ayaw no kasakitakit kako a mikansiya i Tisowanan, i ka'ayaw no kasafinawlan kako a pahmek i Tisowanan.

¹⁰ Tangasato i kakarayan ko mida'ocay a olah Iso. Mitkohto i to'em ko nika so'lin Iso.

¹¹ Kawasaw, nanay mita'lif to kakarayan ko nika tadamaan Iso, nanay maldef i polong no hkal ko 'dil Iso.