'Olic 54 - 阿美語聖經-新約附詩篇箴言

O Pilongoc to Sadipot

Yo paratohen no Cif a tamdamdaw ci Sawlo to, <> itiya a mitilid ci Tafiti tona sapasifana' a 'olic, mapatorod i kakridan no paradiway.

¹ Kawasaw, nanay pakaynien i ngangan Iso ko sapipa'orip i takowanan, nanay pakaynien i tadamaanay a 'icel Iso ko sapipa'ading i takowanan.

² Kawasaw, nanay tngilenho Iso ko pitolon ako, nanay tngilenho Iso ko sowal ako.

³ Ira ko kafahalan a tamdaw a milood i takowanan, sapipatayan i takowanan ko mari'angay a tamdaw. Awaay ko Kawas i mata nangra.

⁴ Mafana' kako to nika o padamaay ko Kawas i takowanan, o midipotay to 'orip ako ko Tapang.

⁵ Mamana do^doen no Kawas ko tatiihay a dmak no 'ada ako a mico'ay i cangraan, o dado^doen Ningra ko nika so'lin Ningra a mitkop i cangraan.

⁶ Tapangaw, tadamahmek kako a pacakat a pato'aya i Tisowanan, miahowid kako i Tisowanan, nawhani o nga'ayay Kiso.

⁷ Mapa'orip Iso kako a paliyas nai masamaamaanay a pades, ma'arawto ako ko nika pleng no 'ada ako.