'Olic 53 - 阿美語聖經-新約附詩篇箴言

O Faloco' no Tatiihay a Tamdaw

O sapasifana' ni Tafiti a 'olic. Mapatorod i kakridan no paradiway. O no <> a hacong ko saparadiw.

¹ O misalata'ata'angay a la^ngo^ngo a tamdaw i, <> saan. O mapohedayto cangra a ma^min, midmak cangra to tatiihay a dmak, awaay ko ccaccay aca a nga'ayay ko dmak a tamdaw.

² Pasila^no ko Kawas i kakarayan a minengneng to i hkalay a tamdaw, iraay hakini ko mafana'ay a tamdaw, iraay hakini ko milongocay to Kawas.

³ 'Arawhani, miliyas a ma^min ko tamdamdaw i Cingraan, sahto o mapoheday ko dmak nangra a ma^min. Awaay ko ccaccay aca a tatamdawan to nidmakay to nga'ayay.

⁴ Saka, licay sa ko Kawas, <> saan.

⁵ Nikawrira, o mamackok cangra a matalaw to caayho ka lifet nangra a katalawan, nawhani o tatkopen no Kawas ko 'ada no finawlan Ningra. O fafalahen Ningra cangra, ta masefad ko faloco' a mapakangodo cangra.

⁶ Nanay masadak nai Cion ko papa'orip to Israil! Itiya i, o laliyawen no Kawas a palowad ko kasaparod no finawlan Ningra. O lalipahak ko tloc ni Yakop, o mamahmek ko Israil a finawlan.