'Olic 49 - 阿美語聖經-新約附詩篇箴言

O Apa no Miti'eray to Dafong

O nitilidan no tloc no ngasaw ni Korah a 'olic. Mapatorod i kakridan no paradiway.

¹ Kamo o kasafinawlan a ma^min pitngil. Kamo o i hkalay a tamdaw pina'on.

² Kamo o cidafongay ato pakosiya a tamdaw pitngil.

³ O sasomowal kako to sakacitaneng a sowal, o miharatengay to sakafana' to dmak ko faloco' ako.

⁴ O mitngilay kako to tinako a sowal, pahaklongen ako to soni no datok ako ko pitadtad to tatodong nira.

^5-6 Yo mapades kako a malikot no tatiihay a miti'eray to payso ato malita'angay to dafong a misamsamay i takowanan a 'ada i, caay ka talaw kako.

⁷ Awaay ko papakafilo a tamdaw a micakay to tireng a patatikol, caay ko mama^deng cingra a micakay to 'orip no tireng i Kawas.

⁸ Nawhani tadamatkes ko 'aca no 'orip no tamdaw, caay ko papakafilo a pa'aca ko tamdaw.

⁹ Ano mana'ana'ay ko tamdaw a micomod i tadem i, ma^deng a caay ka patay a tahada'oc?.

¹⁰ Nengnengen, ano maapaayto ano mafokilayto i, mapatayto, halocitanengay a tamdaw a malcadto a mapatay, siday han nangra a ma^min ko dafong i tloc nangra.

¹¹ Talacowa ira ko sra nangra nikawrira, o tadem ko mida'ocay a loma' nangra, o a itira cangra a maro' a tahada'oc.

¹² Caay ko nika cidafong ato nika tadamaan no tamdaw ko saka^ca ka patay ningra, o mamalcad cingra to 'a'adopen a mapatay.

¹³ Nengnengen, samaanay ko miti'eray to tireng ningra a tamdaw, nengnengen ko pahrekan no marihakeday to dafong no tireng a tamdaw.

¹⁴ Malcad to siri a mapastekto a o tatayra i kaitiraan no mapatayay cangra, o patay ko mamidipot i cangraan. O mamapohed ko tireng nangra i kaitiraan no mapatayay, yo ta^ngad sato i, malowid no mo^celay a tamdaw cangra.

¹⁵ Nikawrira, o papa'oripen no Kawas kako, o papa'oripen Ningra kako a paliyas nai sakowan no patay.

¹⁶ Aka ka rawraw ko faloco' iso a minengneng to nika cidafong no tao a macakat ko 'orip.

¹⁷ Ano mapatay cingra i, caay pihawikid to maan aca, caay pihaklong i cingraan a talatadem ko dafong ningra.

¹⁸ Ano rahkehker cingra to nika lmed no 'orip ningra, ano makahmehmek no tao ko nika cakat no tayal ningra i,

¹⁹ o mamilcad cingra to tato'asan ningra a mapatay, caayto ko mamiliyaw cingra a paka'araw to ta^ngad a tahada'oc.

²⁰ Caay ko nika cidafong ato nika tadamaan no tamdaw ko saka^ca ka patay ningra, o mamalcad cingra to 'a'adopen a mapatay.