'Olic 48 - 阿美語聖經-新約附詩篇箴言

O Cion a Niyaro' no Kawas

O nitilidan no tloc no ngasaw ni Korah a 'olic, o ccay no radiw.

¹ O satadamaanay ko Tapang, i fangcalay a lotok i niyaro' Ningra, saka, o papahmeken ita Cingra o Kawas ita.

² Makapah a takaraw ko kasataporo no Cion a lotok no Kawas, o kalipahakan no kasafinacadan, ko niyaro' no tadamaanay a hongti.

³ I tini i pisitaraan no niyaro' a pahapinang ko Kawas to nika o piki'adingan Cingra.

⁴ Masakapot ko hongtingti a tayni a milood to Cion a lotok.

⁵ Ma'araw nangra konini a niyaro' i, mackok cangra a matoled, saka, alapkapkaw sato cangra a milaliw.

⁶ Tona matalaw cangra saka, marpetto cangra, samatiya sato o ma'at'atay a fafahiyan ko nipisemsem nangra,

⁷ matiyato o nistolan no naniwaliay a fali a matastasay a cifar cangra.

⁸ Oya nao matngilay ita to hatiniay a dmak no Kawas i, ma'arawto ita i matini i niyaro' no mikomoday a Tapang a Kawas ita, o dadipoten Ningra a tahada'oc konini a niyaro'.

⁹ Kawasaw, i tini i Fangcalay Pita'ongan Iso a miharateng kami to mida'ocay a olah Iso.

¹⁰ Pahmek i Tisowanan ko polong no hkal a tamdaw, mapatnak i tahaf no kakarayan ko ngangan Iso. O mo^celay ko pikowan Iso,

¹¹ nanay lipahak ko tamdamdaw no Cion a lotok. Nanay lipahak ko niyaroaro' no Yuta, nawhani o mo^celay ko pisawkit Iso.

¹² Rakaten a mitaliyok ko Cion, sa'osien ko pikacawan no niyaro' nira,

¹³ hapinangen a minengneng ko 'adipel no niyaro' ato pisitaraan nira, ta ira ko sasowalen namo i tloc namo,

¹⁴ <> saan.