'Olic 46 - 阿美語聖經-新約附詩篇箴言

Mikapot ko Kawas i Titaanan

O nitilidan no tloc no ngasaw ni Korah a radiw. Mapatorod i kakridan no paradiway. O no <> a hacong ko saparadiw.

¹ O piki'adingan ita ko Kawas ato 'icel ita, yo mapades kita i, ira Cingra a mipadama.

² Orasaka, ano mangerngernger ko sra, ano mapraprar ko tokos a talasifo' no riyar,

³ ano harenghengheng ko riyar a cifolang a mingernger to tokos i, caay ko katalawan ita.

⁴ Ira ko ccay a 'alo, mapalipahak no kalidkid no nanom ko niyaro' no Kawas, oya Fangcalay Kaitiraan no Isatakaraway a Kawas.

⁵ Maro' tora niyaro' ko Kawas, caay ko mamangiyangi konini a niyaro', ta^ngad saho i, irato ko Kawas a mipadama tonini a niyaro'.

⁶ Marawraw ko kasafinacadan, mangiyangi ko kasakitakit, palimo'ot han no Kawas cangra i, laso'or sato ko sra.

⁷ Mikapot ko mikomoday a Tapang i titaanan, o pilimekan ita Cingra o Kawas ni Yakop.

⁸ Katayni a minengneng to nidmakan no Tapang, o kafahka'an ko nidmakan Ningra i tini i hkal.

⁹ Piteken no Tapang ko pana' ato 'idoc, todohen Ningra ko sapilood a paliding a patrep to kalalood i tini i cowacowa no hkal.

¹⁰ Sowal sa Cingra, <> saan.

¹¹ Mikapot ko mikomoday a Tapang i titaanan, o pilimekan ita Cingra o Kawas ni Yakop.