'Olic 45 - 阿美語聖經-新約附詩篇箴言

O Sapararamod to Hongti a Radiw

O nitilidan no tloc no ngasaw ni Korah a 'olic, o sapasifana' a 'olic. O ccay no saki olah a radiw. Mapatorod i kakridan no paradiway. O no <> a hacong ko saparadiw.

¹ Matomes i faloco' ako ko nga'ayay a sasowalen, o aasipen ako to saki hongti a 'olic konini, matiya o satilid no mafana'ay a mitilid ko ngoyos ako a caciyaw.

² O samakapahay i polong no tamdamdaw kiso, damsay a citaneng ko sowal iso, saka, mida'oc a mapalmed no Kawas kiso.

³ O tadamaanay a hongti, fakecen ko fonos iso. O tadamaanay o kasnengan kiso.

⁴ O sapihadimelaw to so'linay ato mo^celay a dmak saka, ka o kasnengan kiso a tala'ayaw a romakat, ta pakayni i 'icel iso a mapalasawad ko 'ada.

⁵ Macidem ko pana' iso a mita'sel to faloco' no 'ada, mihinefa a ma^min i ka'ayaw iso ko kasakitakit.

⁶ O tatahada'oc ko nipaflian no Kawas i tisowanan a tadamaanay a kamaro'an! O mo^celay ko pikowan iso.

⁷ O maolahay kiso to mo^celay, mi'intel kiso to tatiihay, saka o Kawas, o Kawas iso ko mipili'ay i tisowanan, palipahaken Ningra kiso to ikakaay no tao a lipahak.

⁸ Safangsis sa ko riko' iso to nano mir ato aloy ato akasiya, itira i nisanga'an to ra'it no ^co a loma' a midatok ko midatokay a patngil a palipahak i tisowanan.

⁹ Mikapot to fafahifahi iso ko fafahiyan a wawa no hongtingti no kasakitakit, cicalok to tada^kim a ma^res ko fafahi iso a tomireng i kawanan no kamaro'an iso.

¹⁰ Kiso o malofafahi no hongti, pitngil to sowal ako, tawalen ko finacadan iso ato malininaay iso.

¹¹ O nika kapah iso ko saka^nep no hongti, o tawki iso cingra saka, o hahaklongen iso cingra.

¹² O tatayra i tisowanan a pangiraw ko Tiri a tamdaw, o mamilongoc ko cidafongay a tamdaw to pisanga'ay iso i cangraan.

¹³ Wata: ko nika kapah no fafahiyan a wawa no hongti i laloma' no loma' no hongti! O nitselan to tada^kim ko riko' ningra.

¹⁴ Ciriko' cingra to makapahay a nitselan a riko' a makayat a tayra i ka'ayaw no hongti, mitoor i cingraan ko pacafayay a widang ningra a tayra i ka'ayaw.

¹⁵ Mahmek cangra a lipahak a ma^min a malahaklong a micomod i loma' no hongti.

¹⁶ Hongtiaw ako, o caciwawa kiso to 'alomanay a wawawawa, o mamirocok to tato'asan iso cangra a malahongti, o papatirengen iso cangra a papikowan to polong no hkal.

¹⁷ Onini a 'olic a radiw ako i, o papiharatengay to tamdamdaw a ma^min to nika tadamaan no ngangan iso, ta pahmek cangra a romadiw a tahada'oc.