'Olic 42 - 阿美語聖經-新約附詩篇箴言

SAKA TOSA A MALOLODAY CUDAD ( 'Olic 42--72 ) O Pitolon no Mapaliwasakay a Tamdaw (1)

O nitilidan no tloc no ngasaw ni Korah a 'olic. Mapatorod i kakridan no paradiway.

¹ Kawasaw, matiya o maso'away a malonem a mikilim to nanom no sa'owac ko nika 'ilol ako i Tisowanan.

² O mida'ocay a ma'orip a Kawas, ma'ilol kako i Tisowanan, ano hacowa a manga'ay kako a tayra i ka'ayaw Iso a mita'ong saw?

³ Saromi'ami'ad sa kako a tomangic, kalakakaenen hanto ako ko losa' ako, mararid ko 'ada ako a milicay i takowanan, <> saan.

⁴ Maharateng ako ko itiyaayho a dmak i, rarom sa ko faloco' ako. Nawhani, nano mihaklongay kako to finawlan a tayra i pita'ongan to Kawas a loma'. Kriden ako cangra a lipahak a pahmek a milkal, sano nika romakat han niyam a romadiw a pahmek to Kawas.

⁵ Nawiro mararom kako? Nawiro matoled kako? O sasafaloco'en ako ko Kawas, o papahmeken ako Cingra, o pa'oripay a Kawas ako Cingra.

^6-7 Mararom ko faloco' ako i kaliwasakan, saka, maharateng ako ko Kawas. Cingra ko mitahpoay i takowanan to sakararom a taplik, matiya o cdas ko piltoh no mirawraway, matiya o cascas no Hirmon a lotok ato Micar a tokos a pasayra i Yortan a 'alo a mistol.

⁸ Tapangaw, nanay pahapinangen Iso to romi'ami'ad ko mida'ocay a olah Iso, ta pahmek kako a mitolon to dadayadaya to pafliay i takowanan to 'orip a Kawas.

⁹ Sowal sa kako to Kawas o 'ongcoy ako, <> han ako.

¹⁰ Mapelpelto kako to pilokes nangra, caay pitolas cangra a milicay i takowanan, <> saan.

¹¹ Nawiro matini ko nika rarom ako? Nawiro matini ko nika toled ako? O sasafaloco'en ako ko Kawas, o laliyawen ako a pahmek Cingra, o pa'oripay a Kawas ako Cingra.