'Olic 41 - 阿美語聖經-新約附詩篇箴言

O Pitolon no Adadaay a Tamdaw

O 'olic ni Tafiti. Mapatorod i kakridan no paradiway.

¹ O mafana'ay a miharateng to pakosiya a tamdaw i, tada o malmeday. Ano mapades ko matiniay a tamdaw i, dipoten no Tapang cangra.

² Dipoten no Tapang cangra a parihaday to 'orip nangra, palmeden Ningra cangra tonini a sra, caay papirpeten no Tapang ko 'ada i cangraan.

³ Ano adada cangra i, adahen no Tapang cangra, palololen Ningra a patanektek cangra.

⁴ Sowal sa kako a mitolon, <> han ako.

⁵ Sowal sa ko 'ada ako a milokes i takowanan, <> saan.

⁶ O tayniay a miliso' i takowanan i, caay ko so'linay ko faloco' nangra, o mihapinangay cangra to tatiihay a dmak ako, ta payakayaken nangra i cowacowa.

⁷ Oya mi'intelay i takowanan a tamdaw i, ala rongorongoh sa to fongoh cangra a masasowasowal. Misahalaka cangra a miri'ang i takowanan.

⁸ Sowal sa cangra, <> saan.

⁹ Haloya nipatahkaan ako a niti'eran ako a tadawidang ako a mitnok i takowanan.

¹⁰ Tapangaw, nanay kaadayayenho kako, patanektekenho ko tireng ako, ta nga'ay kako a mico'ay to 'ada ako.

¹¹ Nanay caay papilowiden Iso ko 'ada i takowanan, mafana' kako to nika o maolahay Kiso i takowanan.

¹² O makoracay a ma'imer kako saka, padamaen Iso kako, o nidipotan Iso kako a patanektek i ka'ayaw Iso tangasa i da'oc.

¹³ Nanay mapahmek ko Tapang, o Kawas no Israil tangasa i da'oda'oc. Amin! Amin!