'Olic 40 - 阿美語聖經-新約附詩篇箴言

O Sapahmek a Radiw

O 'olic ni Tafiti. Mapatorod i kakridan no paradiway.

¹ O mihadidiay kako a mitala to pipadama no Tapang, mitngil Cingra to pitahidang ako a milongoc.

² Pasadaken Ningra kako nai cihnotay a talolongay a rfong, ta tlien Ningra kako i kafkang no 'ongcoy, patanekteken Ningra a parihaday kako.

³ Pasifana'en Ningra kako to fa^lohay a radiw, karomadiw a mipahmek to Kawas ita. O 'alomanay a minengnengay tonini a dmak i, o mamasinanot a mangodo a ma^min, o mamangalay cangra a miti'er to Tapang.

⁴ Tada o malmeday ko masarocoday a miti'er to Tapang, oya caay pasayra i samiyay, caay pita'ong to mangah a kawas.

⁵ Tapang a Kawas ako. Adihay ko nilahcian Iso a tadamaanay a dmak to saki tamiyanan, cima ko mama^deng a sapasasotiri' i Tisowanan saw? Misahalaka Kiso to kafahka'an a dmak to saki tamiyanan, ano sa'osien konini i, caay ko mama^min a somowal.

⁶ Caay ka ngalay Kiso to pina'orip a sapato'aya ato sapatafang, caay ka ngalay Kiso to nisakimoodan a mitodoh a sapato'aya ato sakahpol no raraw a sapato'aya. Mapafli Iso kako to sapitngil a tangila,

⁷ saka, paca'of han ako, <

⁸ Kawasaw ako, tadamaolah kako a mido^do to nafaloco'an Iso! Ka'imeren ako a pakifaloco' ko sifana' Iso,>> saan.

⁹ Tapangaw, palosiyangen ako i kasa'opoan no finawlan Iso ko pipa'orip Iso a nga'ayay a ratoh. Mafana' Kiso, caay ko mamitolas kako a palosiyang tonini.

¹⁰ Caay pisatked kako to pipa'orip Iso a nga'ayay a ratoh, mararid kako a pasowal i kasa'opoan no finawlan to pakayniay i nika so'lin Iso ato nipipadama Iso, caay pisimed kako to so'linay caay ka falic a olah Iso.

¹¹ Tapangaw, mafana' kako caay ko mamilodot Kiso a tahada'oc to sini'ada Iso i takowanan, tahada'oc ko nika so'lin ato caay ka falic a olah Iso a midama i takowanan.

O Pitolon a Milongoc to Pipadama

¹² Malikot no masamaamaanay a pades kako, malpel no raraw ako kako saka, caayto pakapica'ngaw kako, ikakato no nika adihay no fokes ako ko nika adihay no raraw ako, saka, matoledto kako a awaayto ko cdi.

¹³ Tapangaw, nanay pa'oripen Iso kako! Nanay kalamkamen Iso a mipadama kako!

¹⁴ Mamana parawrawen Iso a mitfad koya sapipatayananay i takowanan, mamana pakasefaden Iso ko faloco' a pakangodo koya maolahay to nika pades ako a tamdaw.

¹⁵ Mamana mackok a pkaw sa koya milokesay matawaay i takowanan a tamdaw.

¹⁶ Nanay malipahak ko tayniay i ka'ayaw Iso a tamdaw a ma^min! Nanay mararid a pasowal ko maolahay to pipa'orip Iso a tamdaw toya, <> saan.

¹⁷ O rarimaay kako, nikawrira, Tapangaw, oyananto a miharateng Kiso i takowanan. O padamaay, o pa'oripay a Kawas ako Kiso. Kawasaw ako, nanay narikay Kiso a padama i takowanan!