'Olic 4 - 阿美語聖經-新約附詩篇箴言

O Pitolon to Dadaya a Milongoc to Pipadama

O 'olic ni Tafiti. Mapatorod i kakridan no paradiway, o sapisotasot a lalosidan ko sapacafay a pasoni.

¹ Kawasaw ako, o mipa'adingay a Kawas ako. Ano milongoc kako i, nanay paca'ofen kako. Yo mapades kako i, ira Kiso a mipadama i takowanan, saka, kaadayayen kako, tngilen ko pitolon ako.

² Kamo o tamdamdaw, tahacowa ko pipakangodo namo i takowanan saw? Tahacowa ko nika olah namo to awaay ko ^poc a sowal ato mangah a dmak saw?

³ Kafana' kamo, o nipili'an no Tapang ko so'linay a mitooray to maloningra. Saka, tngilen no Tapang ko pitahidang ako.

⁴ Katalaw kamo, akato ka piliyaw a ciraraw, sinanoten a miharateng ko tireng iso, yo i kafoti'an kiso.

⁵ Ka o so'linay ko faloco' a pato'aya i Tapang, sarocoden ko faloco' a miti'er i Cingraan.

⁶ O sowal no 'alomanay a tamdaw i, <> saan.

⁷ Nikawrira, o sapalipahak Iso i takowanan i, ikaka noya lipahak nangra to nika adihay no panay ato fadisoso' a ^pah ko nika lipahak ako.

⁸ Sarihaday sa kako a mati'nang a mafoti'. Nawhani deng Kiso o Tapang ko misimaway a parihaday i takowanan.