'Olic 39 - 阿美語聖經-新約附詩篇箴言

O Patalahkal no Cipadesay a Tamdaw to Raraw

O 'olic ni Tafiti. Mapatorod i kakridan no paradiway ci Yitutun.

¹ Nao somowalayto kako, <>

² Trep hanaw ako a caay pasowal to ccaccay aca, halonga'ayay a sowal a caay pasowal kako, nasa kako. Nikawrira, mangalef a mangalef ko pisemsem ako,

³ Matomes no rawraw ko faloco' ako. Yo misaharaterateng kako i, mahapinang ako ko nika awa no lipahak ako, saka, caayto paka'met kako to sapilicayaw,

⁴ <>

⁵ Kiso ko sakamamoko' no 'orip ako. Matiya o awaay ko ^poc a nengnengen Iso ko 'orip ako. Matiya o ccay a sla' ko 'orip no tamdamdaw,

⁶ mato lmed ko 'orip no tamdaw. O nika rorayan nangra i, o horac a ma^min, o nisopdan nangra a dafong i, caay ka fana' cangra to nika cima ko rarihaked.

⁷ Tapangaw, iraho a mimaan ko pafaloco'an ako saw? Deng Kiso a ccay ko kahinatalaan ako.

⁸ Nanay pa'oripen Iso kako a paliyas nai raraw ako a ma^min, aka haydaen ko nika tawa no maapaay a tamdaw i takowanan.

⁹ Trep hanto ako a caayto ka caciyaw to ccaccay aca, nawhani Kiso ko sakamatini ako a misemsem.

¹⁰ Nanay caayto piliyaw Kiso a mitfoc i takowanan, ccaccayto ko sla' ako to nano pisti' Iso i takowanan.

¹¹ O kter Iso ko sapitfoc to raraw no tamdaw, matiya o pi'it'it no aayad, a palasawad to polong no kangalayan ningra. So'linay hato ccay a sla' ko 'orip no tamdaw.

¹² Tapangaw, nanay tngilenho Iso ko pitolon ako, na'onen a mitngil ko pitahidang ako a mingitangit. Ano tomangic kako a milongoc i, nanay aka pitrep i takowanan. O lafang Iso kako, malcad to tato'asan ako a o palafangay kako.

¹³ Nanay sololenho Iso kako, ta i 'ayaw no piliyas ako a malahdaw i, ma^dengho kako a lipahak to miming.