'Olic 35 - 阿美語聖經-新約附詩篇箴言

O Pitolon a Milongoc to Pipadama

O 'olic ni Tafiti.

¹ Tapangaw, mamana pacolien Iso ko pacoliay i takowanan, mamana looden Iso ko milooday i takowanan.

² Nanay alaen ko sapatada ato sapilood a lalosidan Iso a mipadama i takowanan.

³ Nanay tatoyen ko 'idoc ato caklis Iso a misi'ayaw to milaopay a milpel i takowanan a 'ada. Nanay pasowalen kako, pa'oripen Ako kiso han kako a somowal.

⁴ Mamana masefad ko faloco' a mapakangodo kora sapipatayananay i takowanan, mamana matfad a malowid kora sapiri'angananay i takowanan.

⁵ Mamana ano milpel ko coyoh no Tapang i cangraan i, samatiya sa o nifiyokan no fali a afih a maliwasak cangra.

⁶ Mamana ano milood ko coyoh no Tapang i cangraan i, sato'manen, sakamlengen Iso ko lalan nangra.

⁷ Caay pimaan kako i cangraan i, padteng sa cangra a sapitiloan i takowanan, mikarkar cangra to rfong a mitalakal to sapirpetaw i takowanan.

⁸ Mamana talifahal sa a ira ko pades nangra, mamana cangra ko tahatiloay i nitlayan nangra a tilo, mamana cangra ko tahakfengay i nikarkaran nangra a talakal.

⁹ Itiya i, o lalipahak kako to pakayniay i Tapang, nawhani o nipa'oripan Ningra kako saka, malipahak kako.

¹⁰ O nai faloco'ay ako ko sasowalen ako i Tapang, <> saan.

¹¹ Pacfa sa ko tatiihay a tamdaw a pawacay a misanga' to sakaciraraw ako to kafokilan ako a raraw.

¹² O tatiihay a dmak ko sapaco'ay nangra to nga'ayay a dmak ako, saka, matoled ko faloco' ako.

¹³ Nikawrira, yo adada cangra i, mica'dong kako to mowa a riko' a mararom to saki cangraan, misaliway kako, mico'koy kako a mitolon to saki cangraan.

¹⁴ Samatiya han ako o widang ato salikaka ako cangra, samatiya han ako o wina ako ko pipa'ayaw a mararom i cangraan.

¹⁵ Nikawrira, yo mapades kako i, salipahak sa cangra a mitihlom a matawa i takowanan, halokafokilan ako a tamdaw a mikihatiya i cangraan a mararid a mikari'ang i takowanan.

¹⁶ Pasemsemen nangra kako a misamsam, kelkel sa ko wadis nangra a matlii i takowanan.

¹⁷ Tapangaw, tahacowa ko nika ^ca pikihar Iso i takowanan saw? Nanay pa'oripenho kako a paliyas nai mikari'angay takowanan, pa'oripenho kako a paliyas nai ngoyos nonini a masaflaway a layon.

¹⁸ Ta miahowid kako i Tisowanan i kasa'opoan no finawlan, o papahmek kako a romadiw i Tisowanan i ka'ayaw no finawlan.

¹⁹ Aka haydaen ko nika tawa noya pacfaay a somowal a 'ada ako to nika tfad ako, aka haydaen ko pipasikiw noya padteng sanay a mi'intel i takowanan a matawa to pisemsem ako.

²⁰ Caay pisanga'ay cangra to sowal, mipakasmer cangra to faloco' no maolahay to rihaday.

²¹ Cli' sa cangra a somowal a misamsam, <> saan cangra.

²² Tapangaw, manengnengto Iso konini a dmak, nanay aka ka tomrep Kiso, Kawasaw, nanay caay piraay Kiso i takowanan a caay pikihar.

²³ Kawasaw, kapalalto, nanay pa'adingen kako, Tapangaw, kalomowadto, nanay patadoen kako a pa'ading.

²⁴ Tapang a Kawas ako, nanay do^doen ko mo^celay a pisawkit Iso a mipastek i takowanan i awaay ko raraw, mamana caay haydaen Iso ko nika lata'ang no 'ada ako.

²⁵ Aka haydaen ko piharateng nangra to, <> aka haydaen ko pipasowal nangra to, <> a saan.

²⁶ Mamana oya malipahakay to nika pades ako i, mamana matfad cangra a ma^min a mapakangodo. Oya mi^pecay i takowanan a misatakaraway a tamdaw i, mamana masefad ko faloco' a mapakangodo cangra a ma^min.

²⁷ Nanay oya malipahakay to nika pastek ako i awaay ko raraw i, malipahak cangra a ma^min a romadiw. Nanay caay pitolas cangra a somowal toya, <> a saan.

²⁸ Ta palosiyang kako to nika mo^cel Iso, saromi'ami'ad sa kako a romadiw a pahmek i Tisowanan.