'Olic 30 - 阿美語聖經-新約附詩篇箴言

O Sapiahowid a Pitolon

O 'olic ni Tafiti. O ccay no radiw to sapihmek a pacakat to Pita'ongan.

¹ Tapangaw, o papahmeken ako Kiso, nawhani o nipa'oripan Iso kako, caay pihayda Kiso to nika lata'ang no 'ada i ka'ayaw ako.

² Tapang a Kawas ako, pasayra kako i Tisowanan a mingitangit to pipadama Iso i, adahen Iso kako.

³ Tapangaw, mapa'orip Iso kako nai kaitiraan no mapatayay, to saka^caaw ka pikapot ako to kaitiraan no mapatayay.

⁴ Kamo o so'linay a mitooray to Tapang a finawlan, pahmeken ko Tapang, ahowiden ko nika tadamaan no nidmakan no Fangcalay a Kawas.

⁵ Ccay a mlet ko kter Ningra mafasawto, nikawrira, caay pitolas ko sini'ada Ningra a tahada'oc. Talacowa talalosa' to dadaya, dafak sato i, malipahakto.

⁶ Yo rihaday kako i, sowal sa kako, <> saan kako.

⁷ Tapangaw, yo palmeden Iso kako i, tanektek kako, matiya o tanektekay a tomireng i lotok a pisitaraan. Nikawrira, yo liyasen Iso kako a caay pikihar i, matalawto kako a mamirmir.

⁸ Tapangaw, mitahidang kako i Tisowanan a mingitangit, nanay padamaenho Iso kako,

⁹ <

¹⁰ Tapangaw, nanay tngilenho, kaadayayenho kako, Tapangaw, nanay padamaenho kako.>>

¹¹ Nano mararomay kako i, palipahaken Iso kako a pasakro, nano mica'dongay kako to sakararom a riko' i, hlongen Iso a pariko' kako to sakalipahak.

¹² Orasaka, caay ka tomrep kako, o raromadiw kako a pahmek i Tisowanan, Tapang a Kawas ako, o mamida'oc kako a miahowid i Tisowanan.