'Olic 3 - 阿美語聖經-新約附詩篇箴言

O Pitolon to Dafak a Milongoc to Pipadama

O 'olic ni Tafiti, i ikor no pilaliw ningra to wawa ningra ci Apsaloman.

¹ Tapangaw, wata: ko nika 'aloman no misa'adaay i takowanan. 'Aloman ko milooday i takowanan.

² Sowal sa cangra to pakayniay i takowanan, <> saan cangra.

³ Nikawrira, Tapangaw, Kiso ko midipotay a sapatada ako. Papipakalowiden Iso kako, ta ma^dengho a pakapica'a ko fongoh ako.

⁴ Pasayra kako i Tapang a milongoc to pipadama Ningra i, paca'of Cingra i takowanan nai fangcalay a lotok Ningra.

⁵ Ano mafoti'to kako, ano mapalalto kako i, ira ko Tapang a midipot i takowanan.

⁶ Saka, ano iraira ko pinapi:na a 'ofad a 'ada a milikot i takowanan i, caay ka talaw kako.

⁷ Tapangaw, kalomowad! Kawasaw ako, pa'oripen kako! Pekpeken Iso ko ngaroy no 'ada ako a ma^min, folfolen Iso ko wadis no tatiihay a tamdaw a ma^min.

⁸ O nano Tapang ko sakapakalowid, nanay mapalmed Ningra ko finawlan Ningra.