'Olic 29 - 阿美語聖經-新約附詩篇箴言

O Ngiha' no Tapang i Kafaliyosan

O 'olic ni Tafiti.

¹ Kamo o coyocoyoh no Kawas, pahmeken ko Tapang, pahmeken ko nika tadamaan ato nika ci'icel no Tapang.

² Pahmeken ko nika tadamaan no ngangan no Tapang, ka o fangcalay, ma^resay ko riko' namo a mita'ong to Tapang.

³ Mildef i riyar ko ngiha' no Tapang, o tadamaanay a Kawas ko pakaklengay, cilodihang ko riyar to ngiha' no Tapang.

⁴ Tata'ang a ci'icel ko ngiha' no Tapang, o kasnengan ko ngiha' no Tapang.

⁵ Mapla' no ngiha' no Tapang ko fidngal a kilang, halofidngal no Lipanon a pala a mapla' nira.

⁶ Samatiya han no Tapang o pisacakocakod no tofor a kolong a papisacakocakod ko lotolotok no Lipanon a pala, samatiya han Ningra o pisatakotakod no pala a kolong a papisatakotakod ko lotolotok no Hirmon.

⁷ Matiya o soni no fitili' ko ngiha' no Tapang.

⁸ Mingernger to kohkohan ko ngiha' no Tapang, halo Katis a kohkohan a mangernger no Tapang.

⁹ Mapa'at'at no ngiha' no Tapang ko tawinaan a malonem, marasras no ngiha' Ningra ko papah no kilakilang, itiya i, milkal ko i laloma'ay no Fangcalay Pita'ongan a tamdamdaw a ma^min a somowal, <> saan.

¹⁰ O makowanay no Tapang ko tata'angay a cdas, o mida'ocay ko Tapang a malahongti a midipot.

¹¹ Paflien no Tapang to sakaci'icel ko finawlan Ningra, paflien no Tapang to sakarihaday ko finawlan Ningra a palmed.