'Olic 25 - 阿美語聖經-新約附詩篇箴言

O Pilongoc to Pikrid ato Pidipot no Tapang

O 'olic ni Tafiti.

¹ Tapangaw, pasayra kako i Tisowanan a mitolon,

² Kawasaw ako, deng Kiso ko piti'eran ako. Nanay caay pakangodoen Iso kako a pakatoled, aka ka palata'angen ko 'ada ako.

³ Caay ko mamatfad ko miti'eray i Tisowanan, o matfaday i, oya padteng sanay a pacoli i Tisowanan a tamdaw.

⁴ Tapangaw, nanay pahapinangen kako to lalan Iso, pasifana'en kako to lalan Iso.

⁵ Nanay kriden kako a papido^do to so'linay a lalan Iso, nawhani o pa'oripay i takowanan a Kawas Kiso. Hinatala kako i Tisowanan to romi'ami'ad to dadayadaya.

⁶ Tapangaw, nanay haenen Iso to hatiniay ko sini'ada ato caay ka falic a olah Iso i takowanan.

⁷ Nanay hpolen Iso ko raraw ato patlac ako to nano ka^manganho, Tapangaw, nanay haratengen kako, nawhani o nga'ayay, caay ka falic ko olah Iso.

⁸ O nga'ayay, o mo^celay ko Tapang saka, pahapinangen Ningra ko ciraraway a tamdaw to dado^doen a lalan.

⁹ Kriden Ningra ko misapo^neray ko faloco' a tamdaw a papido^do to mo^celay a lalan, pasifana'en Ningra cangra to nafaloco'an Ningra.

¹⁰ O so'linay a caay ka falic a olah no Tapang ko sapikrid Ningra to ma'imeray to katatlekan ato limo'ot Ningra.

¹¹ Tapangaw, nanay do^doen ko niktonan Iso a sowal a mihpol to raraw ako, nawhani tadakarteng ko raraw ako.

¹² O mangodoay to Tapang i, o papahapinangen no Tapang to dado^doen ningra a lalan.

¹³ O mamalmed a rihaked ko 'orip nangra, o rarihaday ko aro' no wawawawa nangra tonini a sra.

¹⁴ Sawidangen no Tapang ko mangodoay Cingraan a tamdaw, pahapinangen Ningra to katatlekan a sowal cangra.

¹⁵ Mararid kako a hinatala to Tapang, nawhani o pa'oripay a paliyas Cingra i takowanan nai katalawan.

¹⁶ Tapangaw, nanay sikolenho kako a minengneng, kaadayayen kako, nawhani o tadancaay kako, matked ako ko pades.

¹⁷ Nanay palasawaden Iso ko roray no faloco' ako a ma^min, pa'oripen kako a paliyas nai latiih ako a ma^min.

¹⁸ Nanay haratengenho Iso ko nika pades ako a misemsem, hpolenho ko raraw ako a ma^min.

¹⁹ Nengnengen, wata: ko nika 'aloman no 'ada ako, wata: ko nipi'intel nangra i takowanan.

²⁰ Nanay dipotenho kako, pa'oripenho kako, nanay caay ka tfaden Iso kako, nawhani Kiso ko nikiliman ako to papa'ading.

²¹ Nanay o nika so'lin ato nika mo^cel ako ko sakarihaday ako, nawhani Kiso ko kacifaloco'an ako.

²² Kawasaw, nanay pa'oripen Iso ko Israil, nanay paliyasen Iso cangra nai latiih nangra a ma^min.