'Olic 24 - 阿美語聖經-新約附詩篇箴言

O Tadamaanay a Hongti

O 'olic ni Tafiti.

¹ O hkal ato i laloma'ay nira i, o no Tapang a ma^min, o sra ato i kafkangay nira i, o no Ningra a ma^min.

² Patirengen Ningra i riyar ko paranaan no sra, pahceken Ningra i tarawadaw ko ta'enengan no sra.

³ Cima ko mama^deng a macokacok i lotok no Tapang saw? Cima ko mama^deng a micomod i Fangcalay Pita'ongan Ningra?

⁴ Oya makoracay ko kamay, tingalaway ko faloco', o caay pita'ong to samiyay, caay pisamangah a mikton to sowal a tamdaw.

⁵ O papalmeden no Tapang ko matiniay a tamdaw, awaay ko raraw iso wa han no pa'oripay i cingraan a Kawas cingra.

⁶ Mahaenay ko nika lmed no mikilimay to Kawas a tamdaw, oya tayraay i ka'ayaw no Kawas ni Yakop.

⁷ Kamo o polong no 'adawang no niyaro', kafawah. Kamo o nano to'as a fawahan, kafawah. O mamicomod ko ma'dilay a hongti.

⁸ Cima kora ma'dilay a hongti saw? Oya ci'icelay ki^melay a Tapang Cingra, o pakalowiday a milood a Tapang Cingra.

⁹ Kamo o polong no 'adawang no niyaro', kafawah. Kamo o nano to'as a fawahan, kafawah. O mamicomod ko ma'dilay a hongti.

¹⁰ Cima kora ma'dilay a hongti saw? Ora ma'dilay a hongti i, o Tapang, o mikomoday a Tapang no polong no sofitay Cingra.