'Olic 23 - 阿美語聖經-新約附詩篇箴言

O Midipotay Takowanan ko Tapang

O 'olic ni Tafiti.

¹ O midipotay takowanan ko Tapang, saka, awaay ko maan aca a kacango'otan ako.

² Pahanhanen Ningra kako i rngorngosan, kriden Ningra kako a patayra i tatihi no sarimadac sanay a tingalaway a nanom.

³ Paflien Ningra kako to fa^lohay a 'icel, do^doen Ningra ko niktonan a sowal a mikrid i takowanan a papido^do to mo^celay a lalan.

⁴ Ano romakamakat kako i lidong no patay a tono' i, caay ka talaw kako, nawhani ira ko Tapang a mikapot i takowanan, o cokor ko sapikrid Iso i takowanan, o sasti' ko sapidipot Iso i takowanan.

⁵ Mipatahka Kiso i takowanan i ka'ayaw no 'ada ako, mipaloso' Kiso to simal i fongoh ako, tomesen Iso ko takid ako.

⁶ Tapangaw, deng o sini'ada ato caay ka falic a olah Iso ko sakarihaked ako tangasa i tolas no 'orip ako, ta o mamida'oc kako a maro' i loma' no Tapang.