'Olic 22 - 阿美語聖經-新約附詩篇箴言

O Pingitangit no Misemsemay ato Pikansiya a Radiw

O 'olic ni Tafiti. Mapatorod i kakridan no paradiway. O no <> a hacong ko saparadiw.

¹ Kawasaw ako, Kawasaw ako, nawiro falahen Iso kako? Tomangic kako a milongoc to pipadama Iso i, nawiro caay ka tayni Kiso a mipa'orip i takowanan saw?

² Kawasaw ako, mitahidang kako to romi'ad i, caay paca'of Kiso, milongoc kako i Tisowanan to dadaya i, awaay ko rihaday ako.

³ Nikawrira, o tadafangcalay Kiso, o nipipahmek no Israil i Tisowanan ko tadamaanay a 'anengang Iso.

⁴ O niti'eran no tato'asan niyam Kiso, miti'er cangra saka, pa'oripen Iso cangra.

⁵ Mingitangit cangra a milongoc i Tisowanan saka, paliyasen Iso cangra nai kacalemceman, miti'er cangra i Tisowanan saka, caay ko mamasefad ko faloco' cangra.

⁶ Nikawrira, matiyato o caay ko tamdaw kako, matiyato o ccay a fao kako, ^pecen no tao kako a mikatawa.

⁷ Matawa a ma^min ko paka'araway i takowanan, 'inga'ing sa to fongoh a misopa' a somowal,

⁸ <> saan.

⁹ Tapangaw, Kiso ko sakarihaday ako a masadak nai tiyad no wina ako, yo kahngangho kako i, dipoten Iso kako a parihaday.

¹⁰ Nahofocen kako i, tangsolto a o miti'eray kako i Tisowanan, yo sadak saho kako nai tiyad no wina ako i, o Kawasto ako Kiso.

¹¹ Nanay caay piliyas Kiso i takowanan, nawhani ano mapades kako i, awaay ko pilongocan ako to papadama.

¹² Samatiya sa o okang a kolong a milikot i takowanan ko 'alomanay a 'ada, samatiya sa cangra o mari'angay a okang a kolong no Pasan a milikot a milood i takowanan.

¹³ Samatiya sa cangra o miltohay a layon, sangatowa' sa ko ngoyos nangra a sapita'modan i takowanan.

¹⁴ Samatiya sato o mataktakay a nanom ko nika lasawad no 'icel ako a malahdaw. Malaliyasto ko 'okak ako a ma^min, samatiya sato o losok a malasinol ko faloco' ako.

¹⁵ Matiyato o ma'ikakay a sra ko nika 'icang no takolaw ako, kting sato ko sma ako i kananel no wadis. Siday han Iso kako i sra a papitala to patay.

¹⁶ Likoten no masakapotay a tatiihay a tamdaw kako, matiya o mari'angay a waco a milikot i takowanan a pakaroray, cinasen nangra ko kamay ato wa'ay ako.

¹⁷ Tano'oka'okak sato kako ma^dengto a sa'osien ko 'okak ako, salipahak sa ko 'ada a pamotek a minengneng i takowanan.

¹⁸ Sakilacen nangra ko kafafang ako, ritosen haca nangra ko i laloma'ay a riko' ako.

¹⁹ Tapangaw, nanay caay piliyas Kiso i takowanan, o pa'oripay a Tapang ako, kalamkamen a tayni a pa'orip i takowanan.

²⁰ Nanay pa'oripen Iso kako a paliyas to fonos, nanay pa'oripen Iso ko 'orip ako a paliyas tonini a mari'angay a masaflaway a waco.

²¹ Nanay pa'oripen Iso kako nai ngoyos nonini a layon, awaay ko papa'ading i takowanan i ka'ayaw nonini a pala a kolong.

²² O papalosiyang kako i finawlan ako to nidmakan Iso, o raromadiw kako a pahmek i Tisowanan i kasa'opoan nangra.

²³ <

²⁴ Caay pisatalifokil Cingra to pakosiya a tamdaw, caay pitawal Cingra to pades nangra, caay pifalah Cingra i cangraan, o mitngilay Cingra to pilongoc nangra,>> saan.

²⁵ Tapangaw, o papahmek kako i ka'ayaw no polong no finawlan to nidmakan Iso, o papacakaten ako i ka'ayaw no mangodoay i Tisowanan ko niktonan ako to no pina'orip a sapato'aya.

²⁶ O mamafcol a ma^min ko pakosiya a tamdaw, o mikilimay to Tapang i, o papahmek i Cingraan. Nanay mida'oc a lipahak ko faloco' nangra.

²⁷ Nanay maharateng no i hkalay a kasakitakit ko Tapang, ta pasayra a ma^min i Cingraan, nanay mita'ong ko kasafinacadan a ma^min i Cingraan.

²⁸ O hongti ko Tapang, o mikowanay Cingra to kasakitakit.

²⁹ O mamihinefa a ma^min i ka'ayaw Ningra ko misatakaraway i hkal a tamdaw, o mamita'ong a ma^min i Cingraan ko mamapohed a tamdaw.

³⁰ O mamatayal i Cingraan ko kasarayray no tlotloc a tamdaw, o papasowalen no tamdamdaw ko tlotloc nangra to dmak no Tapang.

³¹ Oya caayho ka hofocen a tamdaw i, o mamatngil nangra ko sowal, toya <> sanay.