'Olic 15 - 阿美語聖經-新約附詩篇箴言

O Limo'ot no Kawas

O 'olic ni Tafiti.

¹ Tapangaw, cima ko mamanga'ay a micomod i Fangcalay Pita'ongan Iso? Cima ko mamanga'ay a maro' i Fangcalay Lotok Iso i Cion?

² Oya mo^celay ko dmak, o mihaklongay to Kawas a tamdaw. O so'linay ko sowal ningra,

³ caay pilokes cingra to tamdaw. Caay pidmak cingra to tatiihay to saki widang, caay pisatatiih cingra a milikaf to fiyaw ningra.

⁴ Mi^pec cingra to ciraraway, tatiihay a tamdaw, nikawrira, tadamangodo cingra to mangodoay to Tapang a tamdaw, o niktonan ningra a sowal, ano masiposiponho cingra i, caay ka ^ca ka lahcien ningra.

⁵ Ano pacaliw cingra to payso i taowanan i, caay piala to wawa no payso, caay piala cingra to sapa'alofo a miri'ang to awaay ko raraw a tamdaw. O matiniay ko dmak a tamdaw i, caay ko mamatfad a tahada'oc.