'Olic 149 - 阿美語聖經-新約附詩篇箴言

O Sapahmek a Radiw

¹ Haliluya! Karomadiw to fa^lohay a radiw a pahmek to Tapang, pahmeken Cingra i kasa'opoan no so'linay ko faloco' a finawlan Ningra.

² Kamo o Israil, kahmek a miharateng to misanga'ay a Tapang namo. Kamo o wawa no Cion, kalipahak a miharateng to hongti namo.

³ Kasakro kamo a pahmek to ngangan Ningra. Pikongkong to tayko a midatok a pahmek i Cingraan.

⁴ Maolah ko Tapang to finawlan Ningra, paflien Ningra to sapakalowid ko po^neray ko faloco' a tamdaw.

⁵ Nanay malipahak ko so'linay ko faloco' a finawlan Ningra tona pakalowid, nanay misalafii cangra a milkal a romadiw tona pakalowid.

⁶ Nanay milkal cangra a lipahak a pahmek to Kawas. Mitatoy cangra to matatapalay ko sinang a fonos,

⁷ to sapico'ayaw nangra to 'ada nangra a kasakitakit a mitfoc to finawlan nangra.

⁸ Ta paliten nangra ko hongtingti noya kasakitakit, paliten nangra to lonayi' ko kakridan noya kasakitakit.

⁹ Ta mado^do nangra ko limo'ot no Kawas a mitfoc to kasakitakit. O pakalowid no so'linay ko faloco' a finawlan no Kawas konini. Haliluya!