'Olic 142 - 阿美語聖經-新約附詩篇箴言

O Pitolon a Milongoc to Pipadama

O 'olic ni Tafiti, yo mitolon itira i pilimekan a dihif, o sapasifana' a 'olic.

¹ Mingitangit kako to pipadama no Tapang, lkal sa kako a mitahidang i Cingraan.

² Patalahkalen ako i Cingraan ko roray ako a ma^min, pasowalen ako Cingra to pades ako a ma^min.

³ Yo sakatoledan kako i, mafana' Cingra to malodadmaken ako. I rarakaten ako a lalan i, tlayen no 'ada ako ko tilo a sapiri'angan i takowanan.

⁴ Minengneng kako to tatihitihi i, awaay ko papadama a widang i takowanan, awaay ko pilaliwan ako a lalan, awaay ko mikiharay a tamdaw i takowanan.

⁵ Tapangaw, milongoc kako to pipadama Iso, Tapangaw, o piki'adingan ako Kiso, i tini i nika 'orip ako anini i, o sakalmed ako Kiso.

⁶ Nanay tngilen Iso ko pitahidang ako a milongoc to pipadama Iso, nawhani matfadto kako i katoledan. Nanay pa'oripenho Iso kako a paliyas nai misamsamay a tamdaw, nawhani ikaka ako ko nika ki^mel nangra.

⁷ Nanay pa'oripenho Iso kako a paliyas nai pades, ta ma^dengho kako a pahmek to ngangan Iso, o mamitaliyok i takowanan ko mo^celay a tamdaw, nawhani tadasida'it Kiso i takowanan.