'Olic 140 - 阿美語聖經-新約附詩篇箴言

O Pilongoc to Sadipot

O 'olic ni Tafiti. Mapatorod i kakridan no paradiway.

¹ Tapangaw, pa'oripen kako a paliyas nai tatiihay a tamdaw, nanay dipoten kako a paliyas nai miforiforay a tamdaw.

² Masarocod ko faloco' nangra a misahalaka to tatiihay a dmak, to romi'ami'ad misanga' cangra a palowad to sakacacolicoli.

³ Matiya o cisawarakay a 'oner ko sma nangra, matiya o aefefay a 'oner ko ngoyos nangra a cisawarak.

⁴ Tapangaw, pa'oripen kako a paliyas nai sakowan no tatiihay a tamdaw, tena'en ko pisaharakat no miforiforay a mikari'ang i takowanan.

⁵ Mitlay to tilo a sapikari'angan i takowanan ko misalata'ata'angay a tamdaw, tlien nangra i lalan ko talakal to sapirpetaw i takowanan.

⁶ Pasowal kako Tapang, <> Tapangaw, nanay tngilenho Iso ko pitahidang ako a milongoc to pipadama Iso.

⁷ O Isatakaraway a Tapang, o ki^melay a pa'oripay ako, o midipotay Kiso i takowanan i kalaloodan.

⁸ Tapangaw, aka palahcien ko nisaharatengan no tatiihay a tamdaw, mamana caay palahcien Iso ko nisahalakaan nangra, ta caay pisatakaraw cangra.

⁹ Mamana caay papilowiden Iso ko 'ada i takowanan, ta patikol i tireng nangra ko pipatalaw nangra i takowanan.

¹⁰ Mamana matfad ko marengrengay a 'afel i fongoh nangra, mamana mafalah cangra i talolongay a rfong ta caayto ka sadak cangra a tahada'oc.

¹¹ Mamana matfad ko 'orip no milikafay a tamdaw, mamana matkop no pades ko miforiforay a tamdaw.

¹² Tapangaw, mafana' kako o pa'adingay Kiso a midipot to tadancaay a tamdaw, caay ka ^ca o mo^celay ko dmak Iso to saki pakosiya a tamdaw.

¹³ O mamipahmek i Tisowanan ko mo^celay a tamdaw, o mamaro' cangra i ka'ayaw Iso.