'Olic 14 - 阿美語聖經-新約附詩篇箴言

O Faloco' no Tatiihay a Tamdaw

O 'olic ni Tafiti. Mapatorod i kakridan no paradiway.

¹ O misalata'ata'angay a la^ngo^ngo a tamdaw i, <> saan. O mapohedayto cangra a ma^min, midmak cangra to tatiihay a dmak, awaay ko ccaccay aca a nga'ayay ko dmak a tamdaw.

² Pasila^no ko Tapang i kakarayan a minengneng to i hkalay a tamdaw, iraay hakini ko mafana'ay a tamdaw, iraay hakini ko milongocay to Kawas.

³ 'Arawhani, miliyas to mo^celay a lalan ko tamdamdaw a ma^min, sahto o mapoheday ko dmak nangra a ma^min. Awaay ko ccaccay aca a tatamdawan to nidmakay to nga'ayay.

⁴ Saka, licay sa ko Tapang, <> saan.

⁵ Nikawrira, o mamackok cangra a matalaw, nawhani ira a mikapot ko Kawas to mo^celay a tamdaw.

⁶ Katawaen no tatiihay a tamdaw ko nisahalakaan no pakosiya a tamdaw, nikawrira, o Tapang ko piki'adingan ningra.

⁷ Nanay masadak nai Cion ko papa'orip to Israil! Itiya i, o laliyawen no Tapang a palowad ko kasaparod no finawlan Ningra. O lalipahak ko tloc ni Yakop, o mamahmek ko Israil a finawlan.