'Olic 138 - 阿美語聖經-新約附詩篇箴言

O Pikansiya a Pitolon

O 'olic ni Tafiti.

¹ Tapangaw, masarocod ko faloco' ako a mikansiya i Tisowanan, romadiw kako a pahmek i Tisowanan i ka'ayaw no kalokawakawas.

² Itira kako i ka'ayaw no Fangcalay a Kaitiraan Iso a mita'ong i Tisowanan. O nano olah ato so'lin Iso, saka mipahmek kako to ngangan Iso, nawhani, mipatalahkal Kiso to satadamaanay a ngangan Iso ato niktonan Iso a sowal.

³ Yo mitahidang kako a milongoc i Tisowanan i, mipaca'of Kiso, pakaynien Iso i 'icel Iso ko pipa'icel i takowanan.

⁴ Tapangaw, o mamipahmek i Tisowanan ko hongtingti no hkal a ma^min, nawhani matngilto nangra ko niktonan Iso a sowal.

⁵ O raromadiw cangra a pahmek to nidmakan no Tapang, o papahmek to Tapang to nika tadamaan Iso.

⁶ O satadamaanay ko Tapang, nikawrira, dipoten Ningra ko tadancaay a tamdaw, awaay ko pakayraan no malata'angay a tamdaw a milimek i ka'ayaw Ningra.

⁷ Talacowa malikot no pades kako, nikawrira, dipoten Iso a parihaday kako, looden Iso koya miforiforay a makter a 'ada ako, pakaynien Iso i 'icel Iso ko pipa'orip i takowanan.

⁸ Caay ka ^ca lahcien no Tapang ko niktonan Ningra a sowal i takowanan. Tapangaw, o mida'ocay ko sini'ada Iso. Nanay lahcien Iso ko nisatapangan Iso a tayal.