'Olic 130 - 阿美語聖經-新約附詩篇箴言

O Pitolon a Milongoc to Pipadama

O saka cokacok a 'olic.

¹ Tapangaw, i tini kako i katoledan ako a milongoc i Tisowanan.

² Tapangaw, nanay tngilenho Iso ko tangic ako, nanay tngilenho Iso ko pitahidang ako a milongoc to pipadama Iso.

³ Tapangaw, ano nitilidan Iso ko raraw niyam i, cima ko mama^deng a miliyas to pitfoc Iso saw?

⁴ Nikawrira, hpolen Iso ko raraw niyam, saka, o kakangodoan niyam Kiso.

⁵ O hinatalaay kako to pipadama no Tapang, paso'lin kako to sowal Ningra.

⁶ O pafaloco'an ako ko Tapang, ikaka no misalafiiay a mitala to sakata^ngadaw ko nika halamham ako a mitala, hai, ikaka no misalafiiay a mitala a tamdaw to sakata^ngadaw ko halamham ako a mitala to Tapang.

⁷ Israilaw, paso'linen a miti'er ko Tapang, nawhani caay ka falic ko olah Ningra, ira i Cingraan ko kadofahay a sapa'orip.

⁸ O papa'ori'oripen aca Ningra ko finawlan no Israil a paliyas nai raraw nangra a ma^min.