'Olic 13 - 阿美語聖經-新約附詩篇箴言

O Pitolon a Milongoc to Pipadama

O 'olic ni Tafiti. Mapatorod i kakridan no paradiway.

¹ Tapangaw, tahacowa ko pitawal Iso i takowanan saw? Tahada'oc haw? Tahacowa ko nika ^ca pikihar Iso a mipisiikor i takowanan saw?

² Hakowaho ko halafin ako a mihadidi a misemsem saw? Hakowaho ko halafin ako a mararom to romi'ami'ad to dadayadaya saw? Hakowaho ko halafin no 'ada ako a mipa^kel a mipatalaw i takowanan saw?

³ Tapang a Kawas ako, nanay nengnengenho kako, nanay paca'ofenho kako, nanay palololenho ko 'icel ako, ta caay ka patay kako.

⁴ Aka haydaen ko pilikaf no 'ada ako a somowal to nika, <> a saan. Aka haydaen ko nika lipahak nangra to nika polin ako.

⁵ Nikawrira, mitadi'ec kako to caay ka falic a olah Iso, o nano pipa'orip Iso i takowanan ko sakalipahak ako.

⁶ Tapangaw, o hahmeken ako Kiso a romadiw, nawhani tadamaan ko sini'ada Iso i takowanan.