'Olic 125 - 阿美語聖經-新約附詩篇箴言

Maparihaday ko Finawlan no Kawas

O saka cokacok a 'olic.

¹ O paso'linay a miti'er to Tapang i, matiya o Cion a lotok, tanektek a tomireng a tahada'oc, caay ka ngiyangi.

² Matiya o pitaliyok no tokos to Yirusalim ko pidipot no Tapang to finawlan Ningra, nai anini tangasa i da'oda'oc.

³ Caay ko hahalafin ko nipikowan no tatiihay a tamdaw to sra no mo^celay a tamdaw, ano caay ka hatira i, latek halomo^celay a tamdaw a mihaklong to lalan no tatiihay.

⁴ Tapangaw, nanay sanga'ayen Iso ko nga'ayay a tamdaw, palmeden ko mo^celay ko faloco' a tamdaw.

⁵ Nikawrira, oya mihaklongay to tatiihay miliyasay to lalan Iso a tamdaw i, palcad han no Tapang ko pitkop toya tatiihay ko dmak a tamdaw. Nanay mida'oc a rihaday ko Israil.