'Olic 121 - 阿美語聖經-新約附詩篇箴言

O Midipotay Takowanan ko Tapang

O saka cokacok a 'olic.

¹ Mica'a kako a pasilotok, o nanicowaay ko padamaay i takowanan hakini? Sa kako.

² 'Arawhani o nanitiraay i Tapang ko padamaay i takowanan, o Tapang no misanga'ay to kakarayan ato sra Cingra.

³ Caay patahafikoden Ningra kiso, caay ka tokatok ko midipotay i tisowanan.

⁴ Nengnengen, caay ka tokatok, caay ka foti' ko midipotay to Israil.

⁵ O midipotay i tisowanan ko Tapang, ira i tatihi iso Cingra a pa'ading i tisowanan.

⁶ O romi'ad i, caay ko mamikalat ko cidal i tisowanan, o dadaya i, caay ko mamiri'ang ko folad i tisowanan.

⁷ Pa'oripen no Tapang kiso a paliyas nai masamaamaanay a latiih, dipoten Ningra ko 'orip iso.

⁸ Ano masadak kiso, ano minokay kiso i, dipoten no Tapang kiso, nai anini tangasa i da'oc.