'Olic 120 - 阿美語聖經-新約附詩篇箴言

O Pitolon a Milongoc to Pipadama

O saka cokacok a 'olic .

¹ Yo mapades kako i, milongoc kako to Tapang, paca'of Cingra i takowanan.

² Tapangaw, nanay pa'oripenho Iso kako, pa'oripen kako a paliyas nai misamangahay misa'fitay a tamdaw.

³ Kiso o misamangahay a tamdaw, o sasamaanen no Kawas kiso hakiya? o sasamaanen Ningra ko nipitfoc i tisowanan hakiya?

⁴ O macidemay a pana' no sofitay ato marengrengay a 'afel no namal ko sapitfoc Ningra i tisowanan.

⁵ Tada o cilafoay kako a maro' i Misik a tamdaw, tada o caay ka lmed kako a milafin i Kitar a tamdaw.

⁶ Nawhani halafin kako a mikapot i cangraan o ma'osiay to rihaday.

⁷ O maolahay kako to rihaday saka, pasowal kako to sakarihaday, nikawrira, mangalay cangra a malalood.