'Olic 119 - 阿美語聖經-新約附詩篇箴言

O Rikec no Tapang

¹ O awaay ko tatoro'en a patlac, o mido^doay a tamdaw to rikec no Tapang i, o malmeday.

² O mido^doay to limo'ot no Tapang, o masarocoday ko faloco' a milongoc i Cingraan i, o malmeday.

³ O matiniay a tamdaw i, caay pidmak to tatiihay a dmak, deng o lalan no Tapang ko nido^doan nangra.

⁴ Tapangaw, mipafli Kiso i tamiyanan to rikec Iso, papilahcien Iso kami a papido^do tonini.

⁵ Mangalay kako a so'lin ko faloco' a mido^do to rikec Iso.

⁶ Ano ma'imer kako to limo'ot Iso a ma^min i, caay ka pakangodo kako.

⁷ Ano minanam kako to mo^celay a rikec Iso i, o makoracay a faloco' ko sapahmek i Tisowanan.

⁸ O dado^doen ako ko rikec Iso, nanay caay pifalah Kiso i takowanan.

O Pido^do to Rikec no Tapang

⁹ Samaanen no kapah ta makorac ko 'orip ningra saw? O nipido^do to limo'ot Iso ko sakakorac ningra.

¹⁰ Masarocod ko faloco' ako a milongoc i Tisowanan, nanay caay pisiikor kako to limo'ot Iso.

¹¹ Pakifaloco'en ako ko sowal Iso, ta caay ka ciraraw kako i Tisowanan.

¹² Tapangaw, mipahmek kako i Tisowanan, nanay pasifana'en kako to rikec Iso.

¹³ Milkal kako a pasowal to polong no rikec Iso.

¹⁴ Maolah kako to rikec Iso, ikaka no masamaamaanay a dafong ko nika olah ako.

¹⁵ Minanam kako to sifana' Iso, pakifaloco'en ako ko sowal Iso.

¹⁶ O sakalipahak ako ko rikec Iso, caay ko mamatawal ako ko limo'ot Iso.

O Lipahak no Mido^doay to Rikec no Tapang

¹⁷ Nanay kasida'iten Iso ko matayalay Iso, ta ma'oripho kako a mido^do to sifana' Iso.

¹⁸ Nanay fohaten Iso ko mata ako, ta paka'araw kako to pakakmoday a so'lin no rikec Iso.

¹⁹ O palafangay ko 'orip ako i tini i hkal, nanay caay pisimed Kiso i takowanan to limo'ot Iso.

²⁰ Mararid kako a maolah to rikec Iso, sahinatala sa ko faloco' ako caayto ka pakahadidi.

²¹ Kapo'iyen Iso ko malata'angay a tamdaw, o miliyasay to limo'ot Iso i, o a 'kaken cangra.

²² Nanay palasawaden Iso ko milokesay ato milikafay i takowanan, nawhani o mido^doay kako to rikec Iso.

²³ Talacowa adihay ko pisahalaka no mikowanay to sapikari'angaw i takowanan, nikawrira, oyananto kako o matayalay Iso a minanam to rikec Iso.

²⁴ O palipahakay i takowanan ko sifana' Iso, o nga'ayay a singsi ako ato sakaci^poc ako a widang.

O Pikton to Faloco' a Mido^do to Rikec no Tapang

²⁵ Mapolinto kako i sra, nanay do^doen Iso ko niktonan Iso a sowal a pa'orip i takowanan.

²⁶ Mapatalahkalto ako i Tisowanan ko nano dmak ako a ma^min, saka, paca'of Kiso i takowanan, nanay pasifana'en kako to rikec Iso.

²⁷ Nanay pasifana'en kako to sakafana' ako to rikec Iso, o maminanam kako to pakakmoday a sifana' Iso.

²⁸ Tadamararom kako, nanay do^doen Iso ko niktonan Iso a sowal a patanektek i takowanan.

²⁹ Nanay caay papido^doen Iso kako to awaay ko ^poc a lalan, kasida'itenho kako a pakafana' to rikec Iso.

³⁰ O so'linay a lalan ko nipili'an ako, karteng ko pinengneng ako to rikec Iso.

³¹ Tapangaw, mado^do ako ko sifana' Iso, nanay caay pakangodoen Iso kako.

³² Misa'icel kako a mihaklong to limo'ot Iso, nawhani o mamatongal Iso ko sakafana' ako.

O Pilongoc to Sakafana'aw to Tatodong no Rikec

³³ Tapangaw, nanay pakafana'en kako to tatodong no rikec Iso, mangalay kako a mararid a mido^do.

³⁴ Nanay tadtaden a pasifana' kako to rikec Iso, mangalay kako a ma'imer a masarocod ko faloco' a mido^do.

³⁵ Nanay kriden Iso kako a parakat i lalan no limo'ot Iso, nawhani nai itira a miala kako to sakalipahak ako.

³⁶ Nanay papiolahen Iso kako a papido^do to rikec Iso, onini ko ikakaay to nika 'anof ako to dafong.

³⁷ Nanay papisawaden kako a miharateng to awaay ko ^poc a dmak, nanay pakayni i pido^do ako to sowal Iso ko sapisafa^loh to 'orip ako.

³⁸ Oya niktonan Iso a sowal i mangodoay i Tisowanan a tamdaw i, nanay lahcien Iso i tireng no matayalay Iso.

³⁹ Nanay paliyasen Iso i takowanan koya katalawan ako a kangodoan a dmak, nawhani tadamakapah ko rikec Iso.

⁴⁰ Mangalay kako to limo'ot Iso, nanay pakaynien i mo^cel Iso ko sapafli i takowanan to fa^lohay a 'orip.

O Piti'er to Rikec no Tapang

⁴¹ Tapangaw, nanay pahapinangen kako toya caay ka falic a olah Iso, nanay do^doen Iso ko niktonan Iso a sowal a pa'orip i takowanan.

⁴² Ta ma^deng kako a paca'of toya milokesay i takowanan, nawhani o paso'linay kako to sowal Iso.

⁴³ Nanay mapararid Iso kako a pasowal to so'linay a sowal, nawhani o rikec Iso ko pafaloco'an ako.

⁴⁴ O mamararid kako a mido^do to rikec Iso tangasa i da'oc.

⁴⁵ O mapakoniraayto ko 'orip ako, nawhani o mido^doay kako to sifana' Iso.

⁴⁶ O papasowal kako i hongtingti to limo'ot Iso, caay ko mamangodo kako.

⁴⁷ O sakalipahak ako ko nipido^do to limo'ot Iso, nawhani maolah kako tonini a limo'ot.

⁴⁸ Ma'imer kako, maolah kako to limo'ot Iso, miharateng kako to sifana' Iso.

O Pipaso'lin to Rikec no Tapang

⁴⁹ Nanay maharateng Iso ko niktonan Iso a sowal i matayalay Iso, nawhani o sowal Iso ko sakaira no pafaloco'an ako.

⁵⁰ Saka, yo mapades kako i, mahinom kako, nawhani o niktonan Iso a sowal ko misafa^lohay to 'orip ako.

⁵¹ Mararid a milikaf i takowanan ko malata'angay a tamdaw, nikawrira, caay pisoikor kako to rikec Iso.

⁵² Maharateng ako ko nano pasifana' Iso iti:yaayho, Tapangaw, o mihinomay i takowanan ko sifana' Iso.

⁵³ Minengneng kako to misoikoray to rikec Iso a tatiihay a tamdaw i, marafraf ko kter no faloco' ako, caayto paka'emet kako.

⁵⁴ O pacarcaray ko aro' ako i tini i hkal, misanga' kako to 'olic a radiw a pahmek to limo'ot Iso.

⁵⁵ Tapangaw, maharateng ako Kiso to dadaya, o ma'imeray kako to rikec Iso.

⁵⁶ O pido^do to limo'ot Iso ko sakalipahak ako.

O Lalok to Saki Rikec no Tapang

⁵⁷ Tapangaw, o sakalmed ako Kiso, mikton kako to faloco' a mido^do to rikec Iso.

⁵⁸ Masarocod ko faloco' ako a mingitangit i Tisowanan, nanay do^doen Iso ko niktonan Iso a sowal a adayay i takowanan.

⁵⁹ Mitikol kako a miharateng to nano dmak ako i, mikton kako to faloco' a pasayra i rikec Iso.

⁶⁰ Saka, caay ka cihinapec kako a mido^do to limo'ot Iso.

⁶¹ Ano palipaliten no tatiihay a tamdaw kako to towaso i, oyananto a caay ka tawal ako ko rikec Iso.

⁶² O tnok no lafii i, lomowad kako a pahmek a romadiw to nika mo^cel no rikec Iso.

⁶³ O mangodoay Tisowanan, o mido^doay to rikec Iso a tamdaw i, o widang ako cangra a ma^min.

⁶⁴ Tapangaw, mildef i hkal ko caay ka falic a olah Iso, nanay pasifana'en kako to limo'ot Iso.

O Tadamaanay a Rikec no Tapang

⁶⁵ Tapangaw, mado^do Iso ko nano sowal Iso a sida'it i takowanan o matayalay Iso.

⁶⁶ Nanay paflien kako to taneng ato fana', nawhani o paso'linay kako to limo'ot Iso.

⁶⁷ Yo caho ka tfocen Iso kako i, honihoni patlac kako, nikawrira, aninito i, mido^doto kako to sowal Iso.

⁶⁸ O tadanga'ayay, o fangcalay ko nidmakan Iso, nanay pasifana'en kako to limo'ot Iso.

⁶⁹ Milikaf ko malata'angay a tamdaw a mikari'ang i takowanan, nikawrira, masarocod ko faloco' ako a mido^do to rikec Iso.

⁷⁰ Maapa a awaay ko fana' nangra, nikawrira, o rikec Iso ko kalipahakan ako.

⁷¹ O sakaci^poc ako ko nika tfoc ako, nawhani o papinanamay i takowanan to limo'ot Iso konini.

⁷² O sakaci^poc ako ko nipaflian Iso i takowanan a rikec, ikaka no i hkalay a adihayay a tada^kim ato ^kim ko nika nga'ay.

O Mo^celay a Rikec no Tapang

⁷³ O misanga'ay, o midipotay Kiso i takowanan, nanay paflien kako to sakafana' ako a minanam to rikec Iso.

⁷⁴ Ano ma'araw no mangodoay i Tisowanan a tamdaw kako i, salipahak sa cangra, nawhani o paso'linay kako to sowal Iso.

⁷⁵ Tapangaw, mafana' kako to nika o mo^celay ko pisawkit Iso, nawhani o pitfoc Iso i takowanan i, o nika so'lin no dmak Iso.

⁷⁶ Nanay do^doen ko niktonan Iso a sowal i matayalay Iso, pakaynien i caay ka falic a olah Iso ko sapihinom i takowanan.

⁷⁷ Nanay kaadayayenho kako ta ma'oripho kako, nawhani o rikec Iso ko sakalipahak ako.

⁷⁸ Mamana mapakangodo koya milokesay i takowanan a malata'angay a tamdaw, nikawrira, kako to no mako i, mina'on kako a miharateng to rikec Iso.

⁷⁹ Nanay oya mangodoay i Tisowanan a tamdaw i, tayni i takowanan, oya mafana'ay to rikec Iso a tamdaw i, mihaklong i takowanan.

⁸⁰ Nanay masarocod ko faloco' ako a mido^do to limo'ot Iso, ta caay ka tfad a mapakangodo kako.

O Pilongoc to Pipadama no Tapang

⁸¹ Tapangaw, marorayto kako to nano halamham ako to pipa'orip Iso, nikawrira, o pafaloco'an ako ko niktonan Iso a sowal.

⁸² Kadipohaw sato ko mata ako tonano hinatala ako to niktonan Iso a sowal, o licay ako i, <> sa kako.

⁸³ Talacowa matiya o matlangayto a falako no ^pah kako, nikawrira, caay ka tawal ako ko limo'ot Iso.

⁸⁴ Hakowaho ko halafin no pitala ako saw? Ano hacowa Kiso a mitfoc toya mikari'angay i takowanan saw?

⁸⁵ Oya caay pido^do to rikec Iso a malata'angay a tamdaw i, misarfong cangra to sapitfadaw i takowanan.

⁸⁶ Padteng sa cangra a mikari'ang i takowanan, nanay padamaenho Iso kako, nawhani o tati'eren ko limo'ot Iso a ma^min.

⁸⁷ Sapitkopan cangra i takowanan, nikawrira, caay pifalah kako to limo'ot Iso.

⁸⁸ Nanay paflien kako to fa^lohay a 'orip, tahada'ocen a maolah kako, ta manga'ay kako a mido^do to rikec Iso.

O Paso'lin to Rikec no Tapang

⁸⁹ Tapangaw, o mida'ocay ko sowal Iso a patanektek to kakarayan.

⁹⁰ O mida'ocay ko nika so'lin Iso, o nipatirengan Iso ko hkal saka, mida'oc a tanektek a tomireng.

⁹¹ O no Miso a sa'osi ko sakaira no kalomaamaan a tahanini, nawhani o matayalay Iso ko kalomaamaan a ma^min.

⁹² Ano caay ka o rikec Iso ko sakalipahak ako i, kona mapatayto kako to nano nika pades ako.

⁹³ Caay ko mamiliyas kako to rikec Iso a tahada'oc, nawhani onini ko sapa'orip Iso i takowanan.

⁹⁴ O no Miso kako saka, nanay pa'oripen Iso kako, nawhani o mido^doay kako to limo'ot Iso.

⁹⁵ Misa'adapaw to sapipatayaw i takowanan ko tatiihay a tamdaw, nikawrira, oyananto a miharateng kako to rikec Iso.

⁹⁶ Mahapinang ako ko nika o citolasay ko kalomaamaan, nikawrira, awaay ko tolas no limo'ot Iso.

O Olah to Rikec no Tapang

⁹⁷ Tadamaolah kako to rikec Iso, saromi'ami'ad sa kako a miharateng tonini.

⁹⁸ Mararid i faloco' ako ko limo'ot Iso, saka, ikaka no 'ada ako ko nika citaneng ako.

⁹⁹ Ikaka no polong no singsi ako ko nika fana' ako, nawhani miharateng kako to sifana' Iso.

¹⁰⁰ Ikaka no mato'asay ko nika citaneng ako, nawhani o mido^doay kako to limo'ot Iso.

¹⁰¹ Maliyasto ako ko polong no tatiihay a dmak, nawhani o mihaklongay kako to sowal Iso.

¹⁰² Caay piliyas kako to sifana' Iso, nawhani o pasifana'ay Kiso i takowanan.

¹⁰³ Tadako^san ko sowal Iso, ikaka no ko^san no waneng no 'odal ko nika ko^san no sowal Iso.

¹⁰⁴ O nai tiraay i rikec Iso ko sakacitaneng ako, saka, mi'intel kako to tatiihay a dmak.

O Likat no Rikec no Tapang

¹⁰⁵ O mikriday a padawdaw to rakat ako ko sowal Iso, o likat no lalan no 'orip ako.

¹⁰⁶ O a 'imeren ako ko niktonan ako a sowal a mido^do to mo^celay a sifana' Iso.

¹⁰⁷ Tapangaw, tadakarteng ko pades ako, nanay do^doen Iso ko niktonan Iso a sowal a pafli i takowanan to fa^lohay a 'orip.

¹⁰⁸ Tapangaw, layapen ko pikansiya ako a mitolon, nanay pasifana'en kako to limo'ot Iso.

¹⁰⁹ Mararid i laloma' no kacalemceman ko 'orip ako, nikawrira, caay ka tawal ako ko rikec Iso.

¹¹⁰ Mitlay to tilo ko tatiihay a tamdaw to sapikari'angaw i takowanan, nikawrira, caay pisorikol kako to limo'ot Iso.

¹¹¹ O mida'ocay a dafong ako ko limo'ot Iso, o sakalipahak no faloco' ako konini.

¹¹² Do^doen ako ko rikec Iso tangasa i piliyasan ako tonini a hkal saan ko pikton ako to faloco'.

O Rihaday i Laloma' no Rikec no Tapang

¹¹³ Mi'intel kako to caay ka so'lin ko faloco' a mitoor i Tisowanan, nikawrira, maolah kako to rikec Iso.

¹¹⁴ O midipotay i takowan Kiso, o sapatada ako Kiso, o niktonan Iso a sowal ko pafaloco'an ako.

¹¹⁵ Kamo o tatiihay ko dmak a tamdaw, piliyas i takowanan, o mamido^do kako to limo'ot no Kawas ako.

¹¹⁶ Nanay do^doen Iso ko sowal Iso a mipadama i takowanan ta ma'oripho kako, nanay caay palasawaden Iso ko pafaloco'an ako.

¹¹⁷ Ano mipadama kiso i, rihaday kako, o mamararid kako a mido^do to limo'ot Iso.

¹¹⁸ Ma'osi Kiso to misorikoray to rikec Iso a tamdaw, o horac a ma^min ko nisahalakaan nangra.

¹¹⁹ Samatiya han Iso o lakaw ko tatiihay a tamdaw a ma^min, orasaka, maolah kako to sifana' Iso.

¹²⁰ Mirmir sa ko tireng ako to nano talaw ako i Tisowanan, tona makoki' kako to pisawkit Iso saka, matomes no talaw kako.

O Pido^do to Rikec no Tapang

¹²¹ Mado^do ako ko marayasay, mo^celay a dmak saka, nanay caay patoroden Iso kako i 'ada ako.

¹²² Nanay mihai Kiso a padama to matayalay Iso, nanay caay pakoniraen Iso ko pisamsam no malata'angay a tamdaw i takowanan.

¹²³ Makadipohawto ko mata ako to nano pitala to niktonan Iso to sapa'orip i takowanan ato mo^celay a sowal Iso.

¹²⁴ Nanay do^doen Iso ko caay ka falic a olah Iso a sida'it i takowanan, nanay pasifana'en kako to limo'ot Iso.

¹²⁵ O matayalay Iso kako saka, nanay paflien kako to sakafana' a 'icel, ta mafana' kako to sifana' Iso.

¹²⁶ Tapangaw, maraodayto ko pilahcian Iso a mitfoc i matini, nawhani misorikor a ma^min ko tamdaw to rikec Iso.

¹²⁷ Ikaka no nika olah ako to ^kim ato tada^kim ko nika olah ako to limo'ot Iso.

¹²⁸ Orasaka, mido^do kako to sifana' Iso a ma^min, ma'osi kako to mangah a dmak a ma^min.

O Nika Olah a Mido^do to Rikec no Tapang

¹²⁹ O kafahka'an ko sifana' Iso saka, masarocod ko faloco' ako a mido^do tonini.

¹³⁰ Ano haccayen a mitadtad ko sifana' Iso i, o mipata^ngaday to sakacitaneng no mafolaay a tamdaw.

¹³¹ Sangatowatowa' sa ko ngoyos ako a macahacah, nawhani maso'aw kako to limo'ot Iso.

¹³² Nanay sikolenho Iso kako, kaadayayenho kako, samatiyaen o dmak Iso to maolahay i Tisowanan a tamdamdaw ko pidmak Iso.

¹³³ Nanay do^doen Iso ko niktonan Iso a sowal ta tanektek ko rakat ako, ta caay ka fo'ot no tatiihay a tamdaw kako.

¹³⁴ Nanay pa'oripen kako a paliyas nai misamsamay i takowanan, ta pakado^do kako to limo'ot Iso.

¹³⁵ Nanay kasida'itenho Iso ko matayalay Iso, pakafana'en kako to rikec Iso.

¹³⁶ Samatiya sa o nanom no 'alo ko losa' ako, nawhani misorikor a ma^min ko tamdaw to rikec Iso.

O Nika Mo^cel no Rikec no Tapang

¹³⁷ Tapangaw, o mo^celay Kiso, o mo^celay ko rikec Iso.

¹³⁸ O nipaflian Iso a rikec i, o marayasay o mo^celay a masongila'.

¹³⁹ Marafraf ko kter ako a matiya o marengrengay a namal, nawhani mi^pec ko 'ada ako to limo'ot Iso.

¹⁴⁰ O tadaso'linay ko niktonan Iso a sowal, tadamaolah kako tonini.

¹⁴¹ Talacowa o sasafaay kako, o ma^pecay no tao kako, nikawrira, caay ka pitawal kako to sifana' Iso.

¹⁴² O mo^cel Iso i, o mida'ocay a mo^cel, o so'linay ko rikec Iso.

¹⁴³ Yo mapades a mapakaroray kako i, o limo'ot Iso ko palipahakay i takowanan.

¹⁴⁴ O mo^celay a tahada'oc ko sifana' Iso, nanay paflienho Iso kako to sakafana' ako, ta ma'oripho kako.

O Pilongoc to Sapa'orip

¹⁴⁵ Tapangaw, masarocod ko faloco' ako a mingitangit i Tisowanan, nanay paca'ofenho Iso kako, o mido^doay kako to limo'ot Iso.

¹⁴⁶ Pasayra kako i Tisowanan a mingitangit, nanay pa'oripenho Iso kako, o mido^doay kako to rikec Iso.

¹⁴⁷ I 'ayaw no nika ta^ngad i, milongoc kako i Tisowanan, o niktonan Iso a sowal ko pafaloco'an ako.

¹⁴⁸ Salafiifii sa a macngaw ko mata ako, a miharateng to sifana' Iso.

¹⁴⁹ Tapangaw, nanay do^doen Iso koya caay ka falic a olah Iso a mitngil to pilongoc ako, nanay pakaynien Iso toya mo^cel Iso a pafli i takowanan to fa^lohay a 'orip.

¹⁵⁰ Miraodto i takowanan koya miforiforay a mari'angay a tamdaw, o caacaay aca pido^do cangra to rikec Iso.

¹⁵¹ Nikawrira, Tapangaw, ira Kiso i tatihi ako, o so'linay a ma^min ko rikec Iso.

¹⁵² Nai 'a:yaw aca kako a mafana' to sifana' Iso, patanekteken Iso a tomireng ko sifana' Iso a tahada'oc.

O Pilongoc to Sadama

¹⁵³ Nanay nengnengenho Iso ko pisemsem ako, nanay pa'oripen Iso kako, nawhani caay pisakahmaw kako to rikec Iso.

¹⁵⁴ Nanay pa'adingen Iso kako, tdalenho kako, nanay do^doen Iso koya niktonan Iso a sowal a pa'orip i takowanan.

¹⁵⁵ Caay ko mamapa'orip ko tatiihay a tamdaw, nawhani caay pido^do cangra to rikec Iso.

¹⁵⁶ Nikawrira, Tapangaw, tadamaan ko olah Iso, nanay do^doen Iso ko mo^cel Iso a pafli i takowanan to fa^lohay a 'orip.

¹⁵⁷ Tada'aloman ko misa'adaay ato misamsamay i takowanan, nikawrira, caay pisoikor kako to rikec Iso.

¹⁵⁸ Ano ma'araw ako ko pacoliay i Tisowanan a tamdaw i, ma'osi kako, nawhani caay pido^do cangra to limo'ot Iso.

¹⁵⁹ Tapangaw, nengnengen ko nika talolong no olah ako to sifana' Iso, nanay do^doen Iso koya caay ka falic a olah Iso a pa'orip i takowanan.

¹⁶⁰ O patosokan no rikec Iso i, o so'lin, o polong no mo^celay a rikec Iso i, o mamida'oc a ira.

O Pipacakat to Tireng i Rikec no Tapang

¹⁶¹ O cisakowanay a tamdaw i, padteng sa a mikari'ang i takowanan, nikawrira, karteng ko piharateng ako to rikec Iso.

¹⁶² Lipahak kako to nano niktonan Iso a sowal, matiya o pakatamaay to adihayay a tadamaanay a dafong a tamdaw.

¹⁶³ Ma'osi kako to mangahay a sowal a ma^min, nikawrira, maolah kako to rikec Iso.

¹⁶⁴ Tona o mo^celay ko rikec Iso saka, to romi'ami'ad kinapito kako a mikansiya i Tisowanan.

¹⁶⁵ O rarihaday ko maolahay to rikec Iso a tamdaw, awaay ko maan aca a mamipolin i cangraan.

¹⁶⁶ Tapangaw, mitalaay kako to pipa'orip Iso i takowanan, o mido^doay kako to limo'ot Iso.

¹⁶⁷ Mihaklong kako to sifana' Iso, masarocod ko faloco' ako a maolah to rikec Iso.

¹⁶⁸ Mido^do kako to limo'ot ato sifana' Iso, ma'arawto Iso a ma^min ko pinangan ako.

O Pitolon a Milongoc to Pipadama

¹⁶⁹ Tapangaw, nanay matngil Iso ko pitahidang ako a milongoc i Tisowanan, nanay do^doen Iso ko niktonan Iso a sowal a pafli i takowanan to sakafana' ako a 'icel.

¹⁷⁰ Nanay matngil Iso ko pitolon ako, nanay do^doen Iso ko niktonan Iso a sowal a pa'orip i takowanan.

¹⁷¹ Mararid kako a pahmek i Tisowanan, nawhani o papasifana' Kiso to rikec Iso i takowanan.

¹⁷² Mipahmek kako a romadiw to rikec Iso, nawhani o mo^celay ko limo'ot Iso.

¹⁷³ Nanay tangsol Kiso a mipadama i takowanan, nawhani o mihaklongay kako to limo'ot Iso.

¹⁷⁴ Tapangaw, tadamangalay kako to pipa'orip Iso, o sakalipahak ako ko rikec Iso.

¹⁷⁵ Nanay mararidho kako a ma'orip ta mipahmekho kako i Tisowanan, nanay mapadama no sifana' Iso kako.

¹⁷⁶ Matiya o masidayay a moraraway a siri kako, nanay tayni Kiso a mikilim to matayalay Iso, nawhani caay ka tawal ako ko rikec Iso.