'Olic 116 - 阿美語聖經-新約附詩篇箴言

O Pipahmek to nano Pipa'orip no Kawas

¹ Maolah kako to Tapang, nawhani mitngil Cingra, mitngil Cingra to pitolon ako.

² Tona mitngil Cingra to tolon ako, saka mida'oc kako a milongoc i Cingraan.

³ Mifedfed ko towaso no patay i takowanan, Milikot i takowanan ko katalawan a patay, saka, rawraw sato kako a matalaw.

⁴ Saka, milongoc kako i Tapang a somowal, <> han ako.

⁵ O sida'itay, o nga'ayay ko Tapang, o matomesay no adayay ko Kawas ita.

⁶ Midipot ko Tapang to samo^cel sanay ko faloco' a tamdaw, yo rarima kako i, pa'oripen Ningra kako.

⁷ Faloco'aw ako, katanektekto a rihaday, nawhani manga'ay ko dmak no Tapang i takowanan.

⁸ Pa'oripen no Tapang kako a paliyas to patay, caayto ka talalosa' kako, caayto ka tahfikod kako.

⁹ Orasaka, ma'oripho kako i ka'ayaw no Tapang, ma'oripho kako a romakat i tini i hkal.

¹⁰ Na somowalto kako, <> nikawrira, oyananto ko paso'lin ako i Cingraan.

¹¹ Tona marawraw kako, saka sowal sa kako, <> nikawrira, oyananto ko piti'er ako i Cingraan.

¹² Maanen ako ko pipaco'ay to Tapang to nika sini'ada Ningra i takowanan hakini?

¹³ Patakidaw ako ko Tapang a mikansiya to pipa'orip Ningra i takowanan.

¹⁴ Itira kako i kasa'opoan no finawlan Ningra a milahci to niktonan ako a sowal i Cingraan.

¹⁵ O tadakararoman no Tapang ko nika patay no ccaccay aca a fangcalay a finawlan Ningra.

¹⁶ Tapangaw, o matayalay Iso kako, malcad kako ato ina ako a mita'ong i Tisowanan. O nitdalan Iso kako.

¹⁷ Tapangaw, mikansiya kako i Tisowanan a pato'aya, pakayni han ako i ngangan Iso a mitolon.

¹⁸ Itira kako i kasa'opoan no finawlan Iso a milahci to niktonan ako a sowal i Tisowanan.

¹⁹ Itira kako i potal no loma' no Tapang i Yirusalim a mido^do to niktonan ako a sowal. Haliluya!