'Olic 115 - 阿美語聖經-新約附詩篇箴言

Ccay aca ko So'linay a Kawas

¹ Tapangaw, deng Kiso ko papahmeken, caay ko kami, deng Kiso ko papahmeken, Nawhani o so'linay caay ka falic ko olah Iso.

² Nawiro pakonira han Iso ko pilicay no kasakitakit i tamiyanan toya, <> sanay.

³ Ira i kakarayan ko Kawas ita, do^doen Ningra ko nafaloco'an Ningra a midmak.

⁴ O samiyay nangra i, o nifowahan to tada^kim ato ^kim, o nito^to'an no kamay no tamdaw a misafaco a misanga'.

⁵ Ira ko ngoyos nanira i, caay ka caciyaw, ira ko mata nanira i, caay pakanengneng,

⁶ ira ko tangila nanira i, caay pakatngil, ira ko ngoso' nanira i, caay pakasanek,

⁷ ira ko kamay nanira i, caay pakasapsap, ira ko wa'ay nanira i, caay ka romakat, ira ko takolaw nanira i, caay ka sadak ko ngiha' nanira.

⁸ Mamana matiya o nisanga'an nangra a samiyay ko polong no misanga'ay ato paso'linay tonini.

⁹ Kamo o Israil a tamdaw, piti'er to Tapang. Nawhani o padamaay, o midipotay Cingra i titaanan.

¹⁰ Kamo o paro no loma' ni Aron a citodongay to ta'ong, piti'er to Tapang. Nawhani o padamaay, o midipotay Cingra i tamowanan.

¹¹ Kamo o mangodoay to Tapang a tamdaw a ma^min, piti'er i Cingraan. Nawhani o padamaay, o midipotay Cingra i tamowanan.

¹² Maharateng no Tapang kita, o papalmeden Ningra kita, o papalmeden Ningra kita o paro no loma' no Israil a tamdaw, o papalmeden Ningra ko paro no loma' ni Aron a citodongay to ta'ong.

¹³ O papalmeden no Tapang ko mangodoay i Cingraan a tamdaw, ano o tadamaanayto, ano o sasafaayto a tamdaw i, palcad han Ningra a pakalmed.

¹⁴ Nanay palnaken no Tapang ko wawa namo, ta 'aloman ko wawawawa namo.

¹⁵ Nanay palmeden no Tapang kamo, nawhani o misanga'ay Cingra to kakarayan ato sra a Tapang.

¹⁶ O no Tapang ko kakarayan, nikawrira, paflien Ningra ko tamdamdaw to sra.

¹⁷ Caayto ko papahmek to Tapang ko mapatayay a tamdaw, caayto ko papahmek i Cingraan ko i tiraay i awaay ko adeses.

¹⁸ Nikawrira, kita o ma'oripayho a tamdaw i, pikansiya to Tapang a tahada'oc. Haliluya!