'Olic 114 - 阿美語聖經-新約附詩篇箴言

O Radiw to Pita'lifan a Lisin

¹ Miliyas ko Israil a tamdaw to Icip, miliyas to sra no roma a finacadan ko wawawawa ni Yakop,

² malafangcalay a finawlan no Kawas ko Yuta, malanikowanan Ningra a kitakit ko Israil.

³ Pakanengneng ko Kahngangay hananay a riyar i, milaliw, talafafaw ko rakat no nanom no Yortan a 'alo.

⁴ Satrotroc sa ko lotolotok a matiya o okang a siri, satakotakod sa ko taporoporo a matiya o tofor a siri.

⁵ Kahngangay hananay a riyaraw, nawiro milaliw kiso saw? 'Aloaw no Yortan, nawiro talafafaw ko rakat iso saw?

⁶ Lotokaw, nawiro matiya o okang a siri kamo a misatrotroc saw? Taporoaw, nawiro matiya o tofor a siri kamo a misatakotakod saw?

⁷ Kiso o sra, ano tayni ko Tapang i, kamirmir, kangernger i ka'ayaw no Kawas ni Yakop.

⁸ Palafanawen Ningra ko 'ongcoy, papowaren Ningra ko nemnem i 'atkakay a fokloh.