'Olic 111 - 阿美語聖經-新約附詩篇箴言

O Pipahmek to Tapang

¹ Haliluya! Masarocod ko faloco' ako a mikansiya to Tapang, mikansiya kako Cingraan i kasa'opoan no mo^celay a finawlan Ningra.

² Wata: ko nika tadamaan no nidmakan no Tapang. O mahmekay tonini a nidmakan Ningra a ma^min i, mangalay a mikadkad to sakafana'aw.

³ O tadamaanay o kasnengan ko nidmakan Ningra, o mida'ocay ko nika mo^cel Ningra.

⁴ O sakapidmak no Tapang to kafahka'an a dmak i, o sakapapiharatengaw no tamdaw, o matomesay no sini'ada ato mikomi Cingra.

⁵ Pafli Cingra to kakaenen i mangodoay Cingraan a tamdaw, caay ka tawal Ningra a tahada'oc ko nikatatlekan Ningra.

⁶ Pahapinangen Ningra ko finawlan Ningra to 'icel Ningra, paflien Ningra kita to sra no roma a finacadan.

⁷ O so'linay o mo^celay ko nidmakan Ningra a ma^min, o so'linay a tati'eren ko limo'ot Ningra.

⁸ O ci^pocay a tahada'oc konini a limo'ot, pakaynien no Tapang i so'linay ato mo^celay a dmak ko pipatireng tonini.

⁹ Pa'oripen Ningra a mitdal ko finawlan Ningra, matatlek ko Tapang ato cangra a tahada'oc, o fangcalay, o kangodoan Cingra.

¹⁰ O tatapangan no sakacitaneng ko nika ngodo to Tapang, paflien Ningra to taneng ko mido^doay to limo'ot Ningra a tamdaw. O papahmeken a tahada'oc Cingra.